Walk with me. / Bli med på tur.

Kom, mai, du skjønne, milde, gjør skogen atter grønn, og la ved bekk og kilde fiolen blomstre skjønn! D.Jæger Våren har eksplodert i det siste. Eg har gått turstien eg pleier å gå dei siste morgonane. Skulle ikkje tru at det berre er nokre veker sida det såg ut som dette! Medan du går saman med meg her så bruk fantasien og høyr for deg eit brus av fuglesong. / Come walk with me on a path I use to walk through beautiful nature. Enjoy the smell of trees and flowers and listen to the birdsong. It is only a few weeks ago it looked like this. Lerketrea som har stått brune og nakne er nå dekka av irrgrøne nåler. Skogstjernene (Trientalis europaea) lyser opp langs stien. Kystmyrklegg (Pedicularis silvatica) står også i vegkanten.

Skogfiol (Viola riviniana) i blålilla nyansar.

På dette vesle stykket dyrka mark gjekk ei rå og beitte, men ho var borte før eg fekk løfta opp kamera. Fin oppleving sjølv om eg ikkje fekk bilete av henne. Her ein gammal sti som er blitt merka ein av dei siste dagane, kjekt med "nye" stiar. Her gjekk eg ofte saman med far og såg om sauene då eg var lita. Då vaks det ikkje eit einaste tre her, berre lyng og einer. Området her blei planta med furu og sitkagran frå 1970 og nokre år framover. Sitkagran er eit stort tre som kan bli opptil 40 m. Ho er planta i stor stil langs heile kysten nord til Troms, og forvillar seg no mange stader, særlig i lyngheiområde i sørvest og vestpå. I lysningar i skogen veks bjørka tett. Blåbærlyngen får litt lite lys til at det blir noko særleg med bær.

Eit par stader kan ein framleis sjå sjøen. Granknoppar, mjuke, irrgrøne og med ei herleg lukt av skog. Sola fløymer ned mellom greinene. Håpar at du sit igjen med ange av gran og bjørk i nasen og fuglesong i øyrene etter turen!