Godt nytt år!

ÅRSSKIFTE

Nå gløtter tiden

på timeglasset:

- Et sandkorn faller.

- Et år forsvinner.

Vi står tilbake

og raker sammen

en liten gravhaug

av gamle minner.

Vi raker sammen

og ser tilbake.

Tilbakeblikket - 

hvor tungt det veier!

Så kaller tiden

fra svingen forut,

og vi må vandre

med hva vi eier.

Kolbein Falkeid 

Tusen takk til alle som som har kikka innom bloggen min i 2013. 

Ekstra takk til deg som har tatt deg tid til å å legge igjen

 kommentarar på både det eine og det andre innlegget :)

Helsing Marie

Jul i heimdalhuset :)

Små glimt frå "glade jul"edagar hos oss :)

Ask Leonard svingar kjevlet og lagar pepparkaker.

Ikkje mykje som minner om jul ute, inne derimot... ;)

Nye glasskuler i vindauga.

På juletreet heng ulik pynt, minne frå mange juler.

 Her i huset blir juletreet neppe pynta i berre gull og raudt eller kvitt og sølv nokon gong.

Den vakre papp-stallen eg arva etter mor er på plass.

 Her drøymde eg meg bort til Betlehem då eg var lita jente...

Betlehemstallen eg kjøpte då barna våre var små.

Ingen tvil om kven som fekk flest harde pakkar her i heimen i år :)

Mamma og tante følgjer spent med.

Farfar viser korleis bakdøra skal opnast.

Kjekt å feire jul saman med ein liten gledespreiar :)

"O, jul med din glede og barnlige lyst."

Framleis gode romjulsdagar til deg som kikkar innom sida mi :)

Desemberdagar.

Det er smått med dagslys i desse dagar. 

Det er stort sett mørkt når eg går på jobb og mørkt når eg kjem heim.

Då er det lettare å gripe til strikketøyet enn kamera, 

men av og til blir det litt knipsing.

Alt til si tid.

På trappa står ein lyngkvast, elles er kviletid for det meste ute nå.

Fredag og natt til laurdag for ei veke sidan hadde me eit skikkeleg ruskever her, storm med orkan i kasta.

Ferjeneavgangane mellom Arsvågen og Mortavika var innstilt og brua over Boknasundet var stengt.

Løene våre fekk hard medfart så der trengs det reparasjon.

Legg merke til rekka med vogntog på Austrebokn.

Etter kvart som stormen roa seg kom snøen og la seg som eit teppe over gard og grend.

Små og store kosa seg ute i blåtimen.

Ikkje mykje som minna om stormdagen dagen før her...

Etter ei stund ute i snøen er det godt å gå inn i ei varm og god stove.

Dagen etter hadde me åtte plussgrader og regn. 

Litt melisdryss til jul hadde vore kjekt :)

God helg :)

Adventstid.

Her kjem nokre bilde eg eigentleg hadde tenkt å lage innlegg med første sundag i advent.

 Det blei ikkje då, men me er framleis inne i adventstida så det er vel ikkje uaktuelt ennå.

 Litt fleire lys som skal tennast einaste.

I fjor kjøpte eg nye papirstjerner til stova og kjøkkenet.

I den andre stova er dei gamle metallstjernene på plass.

Adventstaken har eg hatt fleire år. Kjekt å ta fram pynt eg har hatt år etter år.

Novemberkaktusane blømde akkurat då dei skulle i år :)

I fjor gløymde eg å sette dei bort så då fekk eg berre to blomar på den eine og ingen på den andre ;)

Adventskalenderen min som Hulda har laga :)

Sundag som kjem er me komne til det tredje lyset.

Første julekortet me fekk i år er frå Ask Leonard og familien hans. 

Mamma Monica har fotografert og laga koselege kort til familie og venner.

Herlige Ask Leonard er farmor sitt gull :)

God adventstid til deg som kikkar innom bloggen min :)

Siste innspurt i hagen for i år.

Nå står lauvtrea nakne med sprikande greiner mot hausthimmelen.

I går var himmelen høg, klar, og blå som på bildet over. 

I dag er det regn og ruskever. Begge deler høyrer seinhausten til.

Blomeprakten frå i sommar er borte og fargane har bleikna.

Ein og annan roseknopp held stand.

I ein einsleg ringblom finn ei lita fluge ly.

Slyngpelargoniane som har hange utanfor kjøkkenvindauga

 heile sommaren og hausten har blitt klipte ned og flytta inn i kjellarvindauga.

To små takløk i ei gammal skei har også fått plass der saman med meir varmekjær familie.

Desse to har stått her nokre veker alt og blømer trass i lite lys.

Potter og sauer ventar på våren :)

Hagereiskapa er også under tak.

Så nå er hagen klargjort for vinteren :)

Livsvisdom.

~Den summen du er blitt gjennom all menneskeleg erfaring og gjennom livets furer, 

den summen er det som gjer deg verdifull. 

Ikkje draumane om kva du kunne ha blitt eller burde vere eller aldri blei, 

men DEG som du er no, slik er du verdifull.~