Roser, roser og atter roser...

Eg hadde tenkt at eg skulle legge ut andre bilete i dag, men då eg såg gjennom bileta klarte eg ikkje å dy meg. Så det blir roser i dag igjen! Eg elskar så mange slag blomar, men rosene er i ein klasse for seg. Dei ni første bileta og nr. elleve kan du klikke på og få dei større. I år har eg planta Blue moon. Ho lyg litt med namnet sitt, men vakker det er ho! Så er det denne favorittrosa mi Nostalgi, eg må berre ha henne med! Aspirin er ny hos meg i år. Ho er litt liten og puslete, men eg håpar ho kjem seg etterkvart. Rosene er skjønne, dei er sart rosa som går over i kvitt. Bonica er også ei av dei fire nye rosene mine. Ho kjem seg fint og blømer rikt.

Så er det denne busk/botndekkrosa som eg ikkje veit namnet på. Nokon som veit? Schneewittchen er større og finare enn ho har vore nokon gong før. Friesia i blom og knopp. Dette er og ei rose eg ikkje veit namnet på. Er det nokon som har forslag?

Rosa rugosa er sterk og frisk, men eg vurderer å flytte henne. Ho passar ikkje heilt inn i roserabatten.

The Fairy har eg to av, dei står på sia av kvarandre i den mest verharde enden av rabatten. Dei veks uhemma og legg seg utover alt, eg må nok til med nytt rosebed til neste år.