10.000 besøk! / 10.000 visits!

I dag kom ei stor glede smettande til meg!

Eg har passert titusen besøk på bloggen min! Det er ikkje til å tru! Tenk at eg har fått så mange trufaste bloggvenner som kikkar innom hos meg igjen og igjen og igjen og... Då eg begynte med blogg var det tanken at eg skulle vise bilete frå hagen min. Etterkvart har det balla på seg og nå viser eg bilete av alt mogleg. Nesten alle bileta er mine eigne. Ein ting eg ikkje visste då eg begynte var at eg skulle få så god kontakt med så mange. Det gjer meg veldig glad når eg ser at andre likar det eg presenterer. Tusen takk til alle som får tellaren til å rulle! Aller mest takk til deg som legg igjen ein kommentar når du er innom. Det er mange (u)kjende rundt omkring som eg er blitt glad i :)

Thank's to all of you who pays me a visit and leaves me a comment time and again!

Fram frå gløymselen.

I dag har eg vore på skattejakt på høgeloftet. Mor kom til å snakke om eit gammalt bilete ho hadde lyst å henge på veggen. Det hang på veggen i kammerset før veggen blei tatt bort mellom stovene. Eg hugsar eg syntest det var så fint då eg var lita. I eit gammalt hus som vårt er det litt av kvart som er stua vekk så eg måtte leite ei stund. Eg fann til slutt både det og eit til som eg syntest burde få komme til heider og verdigheit igjen. Nå heng dei på veggen inne hos mor. Bilete av hesten, høna og hanen kjøpte farfar til ei av søstrene til far då ho låg sjuk med blodkreft. Farmor fødte ti barn, tre døydde som barn og to døydde først i tjueåra. Far sa eingong at heile barndommen og ungdommen hans var prega av sorg. Likevel hugsar eg han som ein far med jamt og godt humør. Farmor var også kjend for å vere ei triveleg dame. Både farmor og farfar var døde før eg blei fødd så eg hugsar dei ikkje, men far har fortalt mykje om dei. Dessutan låg kjærleiksbreva dei hadde skrive til kvarandre i ungdommen etter dei, det var så kjekt å lese. Far døydde i -91 åttiein år gammal. Dette er det andre biletet eg har tatt fram, det hang også på veggen då eg var lita jente. Dagane til mor og far var ofte eit slit med gardsarbeid frå morgon til kveld. Det lyser søndagsfred av dette biletet. Er det ikkje fint? Eg vil med det same vise forseglingsstempelet til farfar. Eg prøve å lage eit stempel, men det rauk sånn at eg var redd brannalarmen skulle gå. Eg måtte sløkkje så det blei ikkje helit vellukka.

Dette biletet har eg speglvendt slik at mønsteret kjem til sin rett. Tilslutt vil eg vise mor sitt vakre skap/skatoll. Det er laga av ein lokal møbelsnekkar og det er sikkert minst åtti år gammalt. Glasdøra er messinginnfatta og glasbitane er prismeskorne rundt kantane. Spegelen er også prismeskoren rundt kanten. Det er vakker treskurd på toppen. Det er kjekt med nye ting, men det er viktig å ta vare på det gamle også!

Eg takkar for alle kjekke kommentarane eg har fått på dei siste innlegga mine!

Spørsmål og netthandel.

Eg er utfordra av Anemone om å svara på nokre spørsmål. Det gjer eg med glede. Haken er at det skal svarast med berre eit ord på kvart spørsmål, ikkje enkelt for ei som til og med snakkar med seg sjølv. Eg er ikkje kjend for å vere eit menneske av få ord, men eg skal prøve. Eg har sjølvsagt sett om til nynorsk, hehe

1 Kvar er mobilen din? På skrivebordet.

2 Skildre kjærasten din? Arbeidskar.

3 Håret ditt? Blondt.

4 Mora di? Hønemor.

5 Faren din? Klok.

6 Kva er favorittingen din? Bloggen. Retting; fotoapperatet.

7 Kva drøymde du om i natt? Hugsar ingenting.

8 Kva drikk du helst? Vatn.

9 Draumebilen? Elektrisk.

10 Kva rom er du i nå? Stova.

11 Eksen? Ingen eks.

12 Din største skrekk? Høgdeskrekk.

13 Kva vil du vere om ti år? Glad.

14 Kven var du saman med i går kveld? Mannen min.

15 Kva er du ikkje? Taus.

16 Det siste du gjorde? Støvsugde.

17 Kva har du på deg? Bukse og genser.

18 Favorittboka di? Bibelen.

19 Det siste du åt? Lasagne og kvitlauksbaguettar.

20 Livet ditt? Godt.

21 Humøret ditt? Litt opp og ned.

22 Dine beste venner? Barndomsvenninne.

23 Kva tenker du på akkurat nå? Kva eg skal svare.

24 Bilen din? Opel Agila.

25 Kva gjer du på akkurat nå? Svarar.

26 Sommaren din? Heimdalhagen.

27 Sivilstatus? Gift.

28 Kva er det på tv'n din akkurat nå? Av.

29 Når lo du sist? I dag.

30 Når græt du sist? Nokre dagar sidan.

31 Skule? Livets!

Mange har vel alt blitt spurt om å svare på desse spørsmåla. Er det nokon som ikkje er spurt og har lyst er du med dette utfordra av meg. Har du lyst har du lov!

~~~~~~~~~~

Nytt tema.

Eg har handla på nettet! Nærare bestemt frå Hulda. Eg har kjøpt desse skjønne korta. Så dei som bed meg i fødselsdagsselskap med det første skal få eit saman med gåva. Eg er blitt "fast" kunde hos Hulda. Eg likar veldig godt det ho lagar. Ein god laurdagskveld til gjestene mine!

Sky Watch Friday.

Today I will show you one magic hour, the sunrise on Monday this week. From 8.15-9.15 am. The photos are in order of succession.

The magic is over. The rest of the day the sky was cloudy and grey. Just like the day before and the day after.

Have a nice sky watch everyone!

Vinteren i fjor. / The winter last year.

Her i Rogaland regnar det stort sett kvar dag for tida. Me har fem til sju plussgrader om dagane. Enkelte kveldar frys det på og blir skikkeleg glatt. I fjor kom vintersnøen i mars og eg har vore i biletarkivet og funne fram nokre stemningsfulle bilete. / Photos from Mars 2007. Bilete frå hagen. / From my garden. The grindstone and the garden bench are covered with snow. Favorittfurua mi med snøkåpe på. / My favorite pine in a winter coat. Ein tur i strålande ver. / I went for a walk, the weather was beautiful. Utsyn mot Heimdal. / My home. Bilete frå turstien eg ofte går. / I often walks this path.

Minner frå ein vakker vinterdag i mars 2007.

Takk for alle kommentarar de legg igen på bloggen min! Eg sett utruleg pris på det!

Thank you for your comments on my blog! I really appreciate it!

Eg lengtar mot vår!

Det står ein primula i glaset mot nord

han strålar og lyser imot meg,

Han minner om dagar med solvarm jord.

Om dagen er kort og natta er lang er våren og lysare tider på veg.

Eg tenner eit lys når mørke fell på

det angar så søtt av vanilje.

Eg lengtar til våren og gåsungar små,

sol imot andlet, snøklokker, krokus og påskelilje.

Langt inni ein kjellar i eit mørkt lite rom

står "dropar" og søv heile dagen,

eg sette dei inn der før frosten kom.

Når gauken i skogen atter gjel skal "dropane" ut i hagen.

Eg ønskjer alle som kikkar inn på sida mi ein god dag!

Tankar i ein nattetime.

Eg er overvelda over alle kommentarane eg har fått på fredagsinnlegget mitt. Tusen takk! Eg er også utruleg glad for alle awardane eg har fått og ikkje minst alle dei gode orda som har følgd med. Takk for det også! Eg er fullt klar over at det er så mange awardar som sviv rundt her i bloggverda at det skal nesten noko til å ikkje få ein. Likevel blir eg så glad! Eg har tenkt på kor viktig det er for oss menneske at me blir sett. At nokon viser at dei er glade for at me er til. Det er ein tankekross at dei gode orda som oftast først og fremst følgjer prestasjonane våre, det me gjer som er synleg for omverda. Det er så mykje som blir gjort utan at nokon legg merke til det og utan ein einaste oppmuntring. For enkelte er kanskje det å stå opp om morgonen og bite tennene saman for å møte ein ny dag ei bragd i seg sjølv. Skulle ønskje eg kunne dele ut nokre awardar og gode ord til dei. Ein blogg kan brukast på så mange måtar. Me kan vise kvarandre vakre bilete frå heim, familie, hage, turar, natur, matlaging eller hobby og handarbeid for å nemne noko. Me kan dele tankar eller ein god historie. Me kan også dele gleder og sorger med all verda om me vil det. Eller me kan bruke bloggen som eit pusterom frå kvardag, smerter eller vonde ting me har opplevd i livet. Me er ein broket samling menneske. Ein ting me alle treng er å høyre at nokon er glad for at me er til, uavhenig av trinn på karrierestigen, inntekt og eigedom. Kanskje det viktigaste nyttårsforsettet me kan ha er å rose kvarandre for dei me er og ikkje berre for det me gjer.

Du vet vel om at du er verdifull

at du er viktig her och nu,

at du er elskad for din egen skuld

at ingen annan er som du.

~~~~~~~~

Gode venner er englar som lyfter oss opp igjen

når vengene våre har gløymt korleis det er å flyge.

Fritt etter Nils Bredesen

Sky Watch Friday.

A series photos from the beautiful sunrise on Thursday morning.

I wish you all a nice sky watch!

You make my day award.

Tusen takk Anki for denne awarden! Så kjekt at du vil dele denne med meg!

Eg vil dele awarden med fleire. Det er vel kanskje mange som har fått han alt, men det er sikkert berre kjekt å få han av fleire.Eg vil dele awarden med;

Berit, ho har ein nydeleg personleg blogg. I tilegg er ho gavmild, gjestfri og ei god venninne.

Anemone, ho lagar både humoristiske og tankevekkande innlegg i eit tempo som imponerer meg, dessutan tar ho seg tid til å skrive lange omsorgsfulle kommentarar.

Ida. Ida er Ida, ho er mi "bestevenninne" i Blogglandia. Dessutan har ho ein vakker blogg med nydelege bilete.

Hulda, ho lagar dei vakraste kort og andre fine ting ho presenterer på ein nydeleg måte.

Gawo, ho tar oss opp på høge fjelltoppar og deler utsynet med oss. Ho skriv så levande at det er som om me er med på turen.

Kathrin, ho deler vakre bilete og kvardagstanker med oss.

Whoopsi daisy, ny heimekoseleg blogg i desember. Ho har nydelege bilete av vakre blomar og elles dei nære ting. Eg synest bloggen minner litt om min, så her føler eg meg sjølvsagt heime!

Runee, som eg er blitt "kjent" med gjennom sky watch friday. Han har nydelege bilete og han er rett som det er inne på min blogg og legg igjen ein koseleg kommentar.

Dot, for introducing me to a lot of beautiful blogs through 'Sky Watch Friday'. She also leaves nice comments on my blog.

Digital photography by digitalshuttermania, I just love his photos! He is a very talented photograph and I think he is a very nice boy aswell.

I wish all visitors a nice day!

Jula er pakka bort.

Då eldstejenta var lita insisterte ho alltid på at juletreet skulle stå til etter fødselsdagen hennar. Dette har blitt ein tradisjon hos oss. Så først i dag har eg pakka bort jula. Kuler og fuglar er tatt ned av treet og lagt i esker. Klokka eg fekk i adventskalenderen då eg var lita jente er den kjæraste julepynten eg har.

I går hadde eg forening, koseleg! Litt "vår" er kjøpt inn.

Me har nok eidel mørke vinterkveldar i vente ennå, då er det kjekt å tenne lys!