lørdag 5. mai 2012

Svanesjøen.

Som stolte svane på havets bølge
må hell og lykke din fremtid følge.

Dette er eit av versa me skreiv i minnebøkene til kvarandre då eg var jentunge.
Og stolte er dei, svanene, der dei skinande kvite glir lydlaust gjennom vatnet.


Dette vakre paret gjesta Heimdalsjøen for nokre dagar sidan.


Dei sumde att og fram på "catwalken" og poserte villig for fotografen.





Etter ei lita stund var "showet" over, dei nikka fint takk for seg og sumde vidare på turen sin.



God helg :)

onsdag 2. mai 2012

Kom mai du skjønne...

Her eg bur har me hatt eit herleg ver dei siste dagane, strålande sol frå skyfri himmel.
Eg har nokre feriedagar denne veka og det passa perfekt å ta ei skikkeleg våronn i hagen.
Luking, planting av stauder, gjødsling og plenslått .
 Eg har også planta skaugum-begonia og potta om og sett ut pelargonium. 
Om det det blir meldt frostnetter kan eg ta pottene inn i kjellaren.


Stauder i god vekst.
Rhododendron og lyng ved granrota.
I staudebedet er det narsisser som dominerer i desse dagar.

Dei tidlegaste rhododendronbuskane har sprunge ut og resten står fulle av knoppar.
Eitpar nye småtre til krukkene er kome på plass.
Pelargonium som har stått i kjellarvindauga har kome ut i dagslys
(eg får visst gå ut og berge dei i hus for natta, det er berre fem grader her nå ikveld).
Vårvortemelk Euphorbia polychroma 'Bonfire'
 er ny i staudebedet


Sverdiris og fylt bekkeblom likar seg saman.
Forglemmegeisøster lyser opp i vårhagen.

Håpar på fint ver resten av veka slik at eg kan nyte sola på terassen :)


Ønskjer deg som er innom bloggen min fine maidagar framover :)

lørdag 14. april 2012

Lukka er å ha ein hage å pusle i :)

I dag har eg klipt og gjødsla rosetrea, luka og skore plenkantar.
 I føremiddag var det skya og kaldt, men etterkvart kom sola fram og varma godt.
Då var det kjekt å vere ute og grave i jorda og gjere det fint rundt meg.

Enn så lenge er det ikkje så mykje som blømer, 
men med tid og stunder håpar eg at eg kan glede meg over frodige roser her.


Det står til liv i staudekrukkene.

Vårkål har vandra inn i hagen på eiga hand.
Han er ikkje like velkommen overalt, men vakker det er han.

Mange ulike narsisser står nå i knopp i hagen min og nokre få har også opna seg. 


Blå perleblomster står tett i tett langs staudebedkanten.

Lyng kan me ha glede av lenge.

Takløk invadert av "vilt" sedum.

Harmoniske fargar i ein liten sinkstamp.

Mose og takløk i skjønn forening.


Spennande å planlegge korleis eg skal plassere krukker, sinkstampar og andre ting rundt "nytt" hus.


Midt i alt arbeidet er det kjekt med pausar på den nye verandaen der eg har kvalitetstid i selskap med sola :)
I morgon er det søndag, då skal eg ta hagebøker og kaffi med meg ut og berre nyte!

onsdag 11. april 2012

Farvel vinter, velkommen vår!

Me har hatt trøbbel med internett-tilgang i to-tre veker 
så eg har ikkje fått oppdatert meg her i bloggverda på ei stund. 
Sidan eg bladde over frå vinter til vår på sist blogginnlegg kom vinteren innom ei tidleg morgonstund for å takke for i år. Det lette snødrysset forsvann ganske snart då sola kom fram frå skydekket. 
Desse bilda blei tatt 2. april, etter det har veret skifta mellom strålande sol og regn. 
Det har vore kaldt, spesielt om nettene då har gradene av og til krope under null. 

I dag gjekk eg tur i skogen før jobb. Sola skein etter at det regna i natt og det glitra i dråpar overalt. Fuglane var i full gong med vårkonserten og det var ei herleg stemning i skogen. Bokfink, måltrost og ei mengd andre fuglar hadde det svært så travelt med å fortelje omverda, potensielle kjærestar eller rivalar, om at her bur eg.

Det er vel fagre stunder når våren kjem her nord
og atter som eit under nytt liv av daude gror.










tirsdag 27. mars 2012

Eit nytt kapittel i hageboka.

Så er det endeleg tid for å "bla over" frå vinter til vår i hagen min.
Dei siste dagane har me hatt eit strålande ver med fine temperaturar. 
Iallefall litt utpå dagen når skodda har letta.


Det er ikkje så mykje som blømer ennå, men litt er det. 
Våriris og krokus er avblømd alt og nå blømer mellom anna Erica og Japanpieris. 



Det var massevis av humler ute og surra i dag, her på Japanpieris.



Påskeliljene har såvidt begynt å opne seg mot vårsola.


Vårkjærminne står i full flor. 
Eg fekk ein liten avleggar frå Ida for nokre få år sidan
 som nå har spreidd seg og blitt til eit lysande blått felt i hagen.


Ønskjer alle hage-elskerar ei fin våronn og solrike dagar framover :)

torsdag 22. mars 2012

Strålande vårver :)

UTE: strålande, vindstille, tretten grader varmt vårver!
INNE: ei kraftig forkjøla og småsjuk Marie.
Å, men eg lengtar UT!




Herlig at sola skin så fint inn gjennom glaset til meg her eg sit og syns bittelitt synd på meg sjølv :)
Eg skal passe meg vel for å klage, ei forkjøling går som regel over ganske fort,
satsar på å kome ut og nyte våren neste veke!
Krysser fingrane for at veret held seg fint :)