Plantestøtte og litt steinbed.

Etter at eg dei siste par åra har brukt eit vanleg espaliet som klatrestativ for breiskolm med heller dårleg resultat (eg måtte binde opp i tillegg) prøver eg i år noko nytt. Dette er som ein uttrekkbar "sylinder" som blir sett over breiskolmspirene. Eg er spent på korleis det vil fungere. Eg har brukt noko liknande på peonene.

Medan eg ventar på at ertestauda skal dekke er denne støtta ganske dekorativ i seg sjølv synest eg :) I steinbedet er bløminga nettopp begynt. Phlox douglasii 'Lilac Cloud' (nålefloks). Geranium renardii (storkenebb) har lysande blomar og også spesielle og vakre blad med veldig vakre haustfargar. Phlox subulata 'Mikado' (vårfloks) lyser godt opp. Her er vårfloksen saman med snøsløyfe. Eg har masse strandnellik som står med knoppar. Som tidlegare sagt har eg ikkje laga store nye anlegg i hagen, men tilpassa bed og rabattar til naturen rundt. På austsida av huset har eg ein stor firkanta plen med litt hekkar rundt og nokre buskar i kvart hjørne. Her skulle eg gjerne gjort meir, men har lyst på profesjonell hjelp i planlegginga. Så får tida visa kva tid det passar å prioritera det tidsmessig og økonomisk.

Ønskjer alle gjester ein fin start på juni :)