Utanfor allfarveg. / A walk through an outlying field.

Skodda heng tungt over Bokn i dag. Det er blikkstille og sju grader. Eg og eit par venner la ut på tur. Turen gjekk først langs ein grusveg, deretter gjekk me ein sti vidare gjennom utmarka. Turen tok omlag to timar. Vegen er lett å gå og det køyrer sjeldan bilar her. Landskapet er vakkert sjølv i skoddetungt ver. Dråpane hang som glasperler på kvar kvist og strå. Dei speglar av ein ein grå himmel. Me kjem etter ei stund til gammalt kulturlandskap. Her står nokre hus og hytter. Hyttene ligg fint i terrenget.

Det er ennå bær på kristornbuskane. Me har nesten ikkje hatt snø i vinter og fuglane har nok funne annan mat. Snøen kan ennå komma og då blir buskane fort reinska. Bortsett frå bæra var det ingen prangande fargar. Her er det ton-i-ton i grønt og brunt. I det me gjekk over på stien høyrde me det klemta i ei mengd sauebjøller, ein stor flokk med villsau dukka opp over ein bergknaus. Dette er landskap dei stortrivst i. Trolsk stemning. Bileta er tatt mellom klokka 10.30 og 12.30, ikkje mykje dagslys i dag. Gammal gardsveg, her andar det av fred. Fuglane har ikkje begynt på vårsongen ennå.

Stien gjennom utmarka er merka, greit for dei som ikkje er kjende. Kjekt å gå fleire i lag, men det er ikkje alltid like lett å få det til å passe på dagtid. Ein stor flat stein, ei "bru som bind" stien saman. Denne flotte einerbusken var sikkert tre meter høg. A couple of friends and I went for a two hours walk today. The weather was very foggy, but mild and calm. We walked through a beautiful landscape.