torsdag 2. august 2012

August

Så har me snudd kalenderbladet over på august. Ettersommar, litt vemod i ordet synest eg.
Det er ikkje så lenge lyst om kveldane som det var i juni, 
men det er nå litt koselig å tenne litt lys inne når det mørknar ute.
Det er frodig og grønt rundt oss her for me har iallefall ikkje mangla vatn!
I dag har veret vore overskya, lummert og blikkstille.
Var ute og gjekk tur ikveld i det fine veret.


Hagen er fin i august, då har sommarblomane vakse seg store og frodige, 
hauststaudene blømer, og rosene står i full flor.




Skaugum-begonia har eg etter mor. Kjekt å plante dei same knollane år etter år.
Eg hadde ikkje så stor sans for desse begoniane tidlegare, men eg likar dei betre for kvart år.
Dei tåler veldig godt regn og det aller beste er at sneglane lar dei stå i fred.




Rosene ber preg av at det har regna mykje i det siste. Eindel av knoppane rotnar før dei får opne seg 
og eg må gå over med saksa og klyppe bort det verste av og til.


I enden av rosebedet planta eg i ein prinsesse-spirea for at han skulle live for rosene,
men i vinter fraus han og i vår såg han heilt daud ut. 
Eg klypte han heilt ned og heldigvis kjem han seg veldig fint igjen.


Klatrerosa eg planta ifjor stortrivst ser det ut som, ho veks og blømer rikt.


På austsida av huset har me ikkje fått ordna ferdig etter renoveringa. 
Her skal muren pussast ferdig før me kan få ting på plass.


Litt har me fått gjort da, har fått bort ei forferdelig stor rot.
Kjem vel med at me har både traktor og gravemaskin når slike beist skal bort :)



Har også tatt bort gjerdet rundt deler av hagen, 
noko som gjer at eg kan klippe plenen heilt til vegkanten.


Mjødurt dominerer i staudebedet akkurat nå.



Hortensia har vakse seg stor og har masse blomar iår.



Blada på hortensia kan vere fargesterke og vakre dei også.


Ulike stauder, femtunge og fuksia.


Ulike vintergrønne nåletre har fått selskap av revebjølle og kystbergknapp.




Blomane i sinkstampane på skuggesida av bislaget har "rådd skikkeleg or" 
sjølv om dei må klare seg nesten utan sol.



Eg kryssar fingrane og trur på ein solrik og varm ettersommar :)
Ønskjer deg som kikkar innom fine og gode dagar framover :)

søndag 29. juli 2012

Takløk

Litt bilde frå livet rundt gran-rota :)







onsdag 25. juli 2012

Regndag.

Idag er sola innom som gjest og skal me tru værmelderane skal ho kikka innom oss i morgon også.
Ho er kjærkomen og etterlengta etter fleire dagar med rikeleg med regn.
I går lurte eg meg til ein liten spasertur i ei lita opplettsglipe, 
men hagearbeid eller terassekos stod ikkje på programmet.
Rosebedet kan heldigvis nytast frå soveglaset :)








Regnet letta litt innimellom og då var eg ute med kamera.
Roser med dråpar er veldig fint, men blir det for mykje vil dei fleste rosene bli stygge.






















Gode sommardagar til deg som kikkar innom bloggen min :)

tirsdag 17. juli 2012

Bondegårdsferie

Ask Leonard er på bondegårdsferie hos farmor og farfar.
"Det e ganske travelt alså! Balder og Pusur ska ha mat kvar dag!"


"Farfar og tante Mona må hjelpa litt te for eg klare ikkje alt åleina."


"Mjau, mjau, seie pusekattane når eg kjeme med mat te dei." 




"Smakte det godt Pusur?"


"Hade, farmor og tante Mona, nå ska eg og farfar sjå om kydnå og kalvane."


"Adle kydnå åt gras ute, nå vil eg inn å eta."



"Ta imot tante."


"Ka, ska eg sova og seie du? Nei, det har ikkje eg tid te!"


"Du kan jobba litt imens du farfar så kjeme eg og hjelpe deg meir seinare."