Sommar i hagen.

Dei fleste som har hatt meg på liste over bloggar dei kikkar innom

har vel kanskje sletta meg frå lista sidan det er heller laber aktivitet frå denne kanten.

Her på bloggen ligg mykje av den "offentlege" kvardagen min,

så sjølv om eg er meir aktiv på instagram og facebook for tida, 

så vil eg likevel halde liv i bloggen. Den er litt som ei minne/dagbok for meg.

Her kjem ein liten sommarkavalkade med hagebilde :)

Juni. Eg og naturen jobbar i lag.

Det skal plantast i krukker og kar.

Den største av desse sinkstampane brukte mor til å skylje klesvasken i.

Benken laga mannen min på sløyden då han gjekk på skulen.

Eg likar å ta vare på det gamle ved å bruke det.

Gamle krukker med nellik og takløk.

Krakken blei brukt på kjøkkenet då eg var lita jente.

Akeleier i motsol.

Campanula på sykkelen var ekstra frodig i år

sidan dei fekk rikeleg med vatn i juli.

Frodig på skuggesida.

I den gamle gryta som mor kokte klede i for mange år sidan 

flyt nå nokre av svigerfar sine garkuler rundt.

Slipesteinen står der den alltid har stått.

På hellegangen her har folk gått til og frå gardsarbeid

 og fjøsstell, frå 1855 og fram til i dag.

Sola var ikkje tittgjengd i hagen i juli, 

men dei fleste blomane treivst likevel.

Så kom hausten, eller rettare sagt sommaren, i september.

Både roser, folk, og kyr kosa seg i varme og solskin.

Då hausten kom godt ut i oktober, og det var rimkvitt om morgonen,

 var det på tide at dei blomane som vil ha det frostfritt fekk flytte inn i kjellaren.

Nå har lyngen tatt over krukkene på trappa.

Å, flytt deg nærmere inn til meg
her på kjøkkentrammen!
Den er så svimlende kort den stund
vi mennesker er sammen.

Frå Junikveld av Hans Børli