Fleire bilde frå turen til Toten.

Blåne bak blåne.

Utsyn frå Storefjell Resort hotell.

Ein liten stopp i vegkanten. Vegkantane var som ein samanhengande staudehage. Det finaste fekk eg ikkje fotografert, det er ikkje alle plasser det går an å køyre til sides. Med bilar bak kan ein ikkje stoppe midt i vegen heller. Etter at me var på hagevandring på Fredholm åt me middag "ombord" på Viken11 saman med Gamleheksa og gemalen. Viken11 ser ut som ein båt på avstand, men er ein kafé bygd på land. Så me seilte ikkje på Mjøsa, berre nesten :) Etter middagen blei me invitert heim til Gamleheksa. Dei dyrkar poteter, korn og lauk og er storbønder sett med våre småbrukarauge. Dei budde på ein vakker plass med utsikt over Mjøsa. Me kosa oss med kaffi på terassen i nydeleg ver. Storbonden og småbrukaren fann fort tonen. Me damene kjende kvarandre litt frå før så me var som gamle kjente :) Natt til søndag overnatta me på Toten hotell. Utsikta er upåklageleg her også :) Søndag bar det på heimveg. Det varte ikkje lenge før me køyrde inn i regnet som følgde oss langt opp i fjellet. Skyene hang lågt over Åkrafjorden, men det var lysare i sør.