Hummar og kanari.

I helga var eg og mannen min på tur til Seljord på marknad. Me hadde reisefylgje og låg på same hotellet som halve nabolaget heime. Masse å sjå og hyggeleg samvær. Eg har kalla innlegget hummar og kanari, dette er vel kanskje litt feil for hummar og kanari var vel bortimot det einaste som ikkje var å få kjøpt på marknaden. Ikkje alt var tilsalgs. Desse dyra på dei første bilda var der for at folk skulle få sjå og klappe på dei. Denne vesle skjønne kalven hadde mammaen med seg.

Denne kraftkaren tok alt oppstyret rundt seg med stor ro. Flinke saueklypperar brukar ikkje lange tida på å frisere ein sau. Barn og dyr er ein fin kombinasjon. Lama er ikkje av dei vanlegaste husdyra i Norge ennå. Denne luringen har nok sett betre dagar, men han var nå litt tøff da. Det som var det aller flottaste på heile marknaden var avdelingen med brukskunst. Her var det fantastisk mykje fint å sjå. Dei som selde bunader reklamerte for varene på ein framifrå måte. Flotte festdraktar. Ei flott samling med rosemala fat. Dette fatet var det aller vakraste, iallefall i mine auge. Brudekjole i ei moderne utgåve, raud kjole og "blomestrødd"(brodert) slør. Kjolen var stileg, men strikkasokkar i tjukk tova ull var spesielt. Her er ein vakker dåpskjole omsydd av ein selskapskjole. Lua er ei prinsesse verdig! Elles var det flotte keramikkarbeid, glaskunst, smykkekunst mm. Ute var det boder med "tusen ting" og annakvar bod selde spekepølser. Utanfor sjølve marknadsplassen var det også masse boder, her var det spesielt mange som selde antikk og brukt.

Eg tok ikkje så mange bilde frå sjølve marknaden, men eg kjem til å lage fotostory over heimturen som gjekk over Haukelifjell pynta i vakker haustdrakt.

Fotokurs.

Tysdag kveld var eg på fotokurs i Canon-regi. Kurset var eit gratistilbod til dei som har kjøpt Canon kamera. Det var ei kort og grei innføring i det elementære ved manuell fotografering. Eg var ute og testa i dag, men må nok øve ei stund, det var ikkje mange bilde som var brukande.

Noko av det eg synest er mest moro med fotografering og redigering er komposisjonen av bildet. Spanande å sjå koleis bilde med same motiv kan gje ulike utrykk alt etter korleis bilda blir presentert. Øve, øve jamt og trutt og tappert det er tingen... :)

Synsbedrag og andre bedrag.

Kyrne hos oss har det bra, her har skipet lagt til grasbakken for å ta dei med på cruise, hehe. Ja sånn ser det iallefall ut ved første augekast.

Her har fotografen (les Marie) gått litt høgare opp i terrenget og bildet blir eit heilt anna! Hadde eg gått enda høgare opp hadde me sett at frå kanten av sletta går det ein bratt skråning ned mot sjøen. Deretter stikk ein lang kai ut i sjøen. Båten ligg altså minst hundre meter frå der dyra går. På dei siste bilda har eg leika meg med redigering i Photo Scape. Kjekt :) Tusen takk for alle hyggelege kommentarar på dei siste innlegga, det har vore litt hektisk dei siste dagane så eg har ikkje fått vore innom hos alle. Minner om bloggtreffet hos meg og Berit 18.-20. denne månaden.

På sommarbeite.

Det er lenge sidan eg har vist bilde av buskapen vår no. Flokken er delt i to, nokre dyr går heime og resten går på garden som mannen min kjem i frå. Her er nokre bilde frå i sommar. På dette første bilde er kyrne på veg til nytt beite.

Kyrne har god luktesans og det blir alltid mykje snusing langs vegen. Plutseleg oppdaga dei at kalvane ikkje følgde med, då var det full retrett for å hente avkommet. Kalvane har gode dagar. Sidan dei får masse god mjølk frå mor treng dei ikkje bruke heile dagane til å ete. Friske, fine og trivelege dyr :) Ennå skal dei få ha det fritt og godt seks-sju veker før dei skal inn i tørt og varmt fjøs for vinteren.

Glitrande morgonlys.

Må du få

glitrande dagar -

dagar som kan lyse opp

alle dei grå som

ligg i mellom!

Helen Exley

Gromgutten Balder. / Balder the cat.

Så mjuk, så mjuk, men kloa røper at han er eit rovdyr!

Roser i regn. / Roses in rain.

Rosene i hagen likar seg ikkje i desse dagar, det regnar og regnar dag etter dag. Desse bilda er frå slutten av august då eg fann ei og anna rose som var verd å vise fram.

Dei siste bilda er av Nostalgie som er favorittrosa mi. I kveld har eg og ei venninne vore på tur i fjellet her. Me leita etter tyttebær, men det var lite å finne. Turen var fin likevel, god trim og godt selskap. Me fekk iallefall skrive namna våre i boka i postkassa på toppen :)

Skal det vere ein liten dråpe?

Det er ikkje gull alt som glimar og det er ikkje diamantar alt som glitrar, men for ein liten augneblink kan det vere like så vakkert! Vassdråpar er flyktige, etter at sola kjem med sine varmande stråler forduftar dei som, ja nettopp, dogg for sola. Derfor gjeld det å nyte før det er over. Det beste i livet er gratis!

Tilsist ein tilleggsopplysning til innlegget i går. Eg har det veldig bra i dag! Eg har ein dyrekjøpt erfaring bak meg som eg godt skulle vore forutan, men eg brukar han som ballast i møte med livet.

Ha ein finfin søndag :)