Fotosafari på Sotra.

Søndag var me på fotosafari på Sotra. Då me var ute og gjekk i mørke fredagskvelden kunne me ikkje begripe kva slag fugl det var som sat i mørke i ein hage me gjekk forbi.

Det viste seg å vere to ender som var gått til ro for natta. I solskinet blei det som var litt nifst om natta reine idyllen. Me rusla langs sjøen på jakt etter motiv.

Etter turen var det på tide å ta farvel med Ida og Sotra for denne gongen. På veg heim gjennom vakker natur. Ei helg med mange gode opplevingar. Nye vennskap er oppretta.

Tusen takk damer for gode og minnerike dagar!

Spesielt takk til Ida som stelte så godt med oss :)

Ein gammal vakker hage.

Det er vakkert i gamle hagar. Sjølv om det er litt overgrodd har desse hagane ein eigen sjarm. I helga var eg inne i ein slik hage med "sjel". Høge tre gjev skugge og gjer hagen litt løyndomsfull. Det er mange spor etter dei som eingong levde her. Bak plommetreet står ein gammal utedo. Det er som om eg høyrer skrammel med gryter og kar. Mange måltid har nok vore laga på denne enkle komfyren. Rogna raudnar i toppen og vitnar om at det haustar. Glassklar, blå septemberhimmel.

Ein gammal apal med gode raude eple. Her er det mat til trosten. Ei nydleg eik stod ennå grøn, men nøttene vitnar om haust.

Flotte haustfargar. Haustanemone opna seg i solskinet. Her får ein fred i sinnet av å rusle rundt ein søndag føremiddag :)

Det glade Bergen.

Lørdag kosa bloggdamene seg på bytur. Strålande sol og sommartemperatur sette ekstra spiss på byturen. Eg har høyrt og brukt uttrykket "å gå på veggen". Her ser det ut som om nokon har tatt det bokstaveleg!

Litt shopping blei det også. Nokre av oss var både sommarbrune og "fargerike", då passa det bra med ein kvit sydvest. Topp hovudplagg for ei med uregjerleg hår, hehe. Andre av oss er meir blodfattige og "bleike" etter å stort sett har vore innandørs i eit fjøs dei siste tjue åra, då må det noko meir fargesterkt til. Nå kan eg la nisselua kvile ei stund! Eg kjøpte same farge som lua eg, får ta eit steg om gongen, det må no vere måte på forandring! "Uten mat og drikke duger bloggdamer ikke". På Vågen fetevare kjøpte me oss herlege blingsar. Koseleg kafe som såg ut som ein loppemarknad inne. Masse ulike bord og stolar, koppar og fat.

Etter maten tok me turen til Bryggen. Her var det matfestival og tjukt med folk. Hadde eg hatt meir pengar kunne eg kanskje kjøpt denne med heim til mannen min. På låven vår er det som i den gamle sterilan reklamen, "alltid plass til ein til". Det er servert! Og me som nettopp hadde ete, hehe. Eg likar meg godt i Bergen, her er mykje fint å sjå. Vakkert pynta med vakre blomar.

"The rusty girls" testar det siste nye på hagemøbelfronten. Denne dukkar nok opp på diverse hagebloggar etterkvart tenker eg :)

Så var det tid for å seie farvel til byparken og Lille Lungegårdsvann for denne gongen. Godt å sige ned i Ida sin sofa etter ein lang dag og bli oppverta :)