Hagen blømer, humla summar, og gauken gjel :)

Herleg å sjå staudene spire, og nokre av vårstaudene er alt i blomst.

Påskeliljer og perleblomster er avblømde nå.

Akeleier og vortemelk står alt i blom.

Skyggesildre.

Stjerneskjerm med masse knoppar.

Klokkeblåstjerne.

Hosta likar seg godt der jorda er jamt fuktig.

I steinbedet trivst m.a. snøsløyfe og strandnellik.

Ulike storkenebb.

Rhododendron trivst i fuktig vestlandsver.

Denne er rosa i knopp

og går over i kvit når blomane opnar seg.

Denne har store nydelege blomar, men dei er litt få i år.

Denne skuffar aldri. Masse blomar!

Nå står planting av sommarblomar i krukker og kar for tur :)

Planta dei første i kveld, så kjekt!

Ein liten kikk inn på det nye badet.

Me har endeleg fått nytt bad i førsteetasje. 

Badet er lite, berre snautt i 4 kvadratmeter

så det var berre plass til det viktigaste.

Me har etter beste evne vore tru mot huset si sjel 

samtidig som det skal vere både fint og lettstelt.

Frøland Badmarked har utført arbeidet med totalrenoveringa frå a til å, 

bortsett frå riving av det gamle og maling av tak og lister.

Me er godt nøgde både med topp service og med kvaliten på arbeidet.

Servanskapet og speilskapet heiter Louis og kjem frå Vedum.

Inni dusjnisja er det lagt inn nokre dekorfliser.

Dusjen som er i nostalgisk stil er frå Mora

.

(Nokre bilde er tatt med blits og andre utan 

så fargane på flisene er ikkje like naturtru på alle bilda. 

Fargen på flisene på bildet over stemmer best med slik dei verkeleg er)

Nostalgisk preg på vasken med marmorplate.

Såpeflaske, tannglass, og glasskål med sølvkant er Lene Bjerre.

Blondegardiner er med på å understreke det nostalgiske.

(ikkje sjå på flisene her, fargen er heilt feil)

Pyntehandkle under vindauga har eg kjøpt på Princess.

(sjå bort frå hyssingen som held stanga på plass medan limet tørkar)

Korga i hjørnet er til oppbevaring av toalettpapir.

Nisje med dekorfliser og lys-spott over toalettet.

Vasen er frå Lene Bjerre.

Klokka i glasposten er også frå Lene Bjerre, t-lysglassa er kjøpte på Princess.

Til slutt nokre før bilde.

I desse dagar er det hage på programmet her hos meg :)

God helg :)

Verdas søtaste nålepute :)

Denne skjønne, koselege nåleputa har eg fått av Berit E Tjøsvoll :)

Og for meg som ikkje kan få nok av roser var dette midt i blinken :)

Fatet (over og under) kjøpte eg på loppis for ei tid sidan, roser på det også.

Og nå får dei plass ved sida av kvarandre :)

Sol ute, sol inne :)

Herleg å starte dagen når sola fløymer inn i stova frå aust.

På ettermiddagen etter arbeidstid har sola tatt runden over himmelen og kikkar inn frå vest :)

Har vore herlege dagar i det siste :)

Ha ei fin mai-veke :)

Eit blaff av sommar i april :)

Strålande solskin og temperatur heilt opp mot 15-20 grader i påsken 

og fram til og med helga som var har gjort at naturen 

 nærast har eksplodert i det siste. 

Slik også i hagen hos meg!

Frå dette,

til dette på få dagar.

Lyng og rhododendron i friskt samspel.

Heile vinteren har vore mild så det er ingen frostkader på plantene i vår heldigvis.

Også i staudebedet er det god vekst. Mest påskeliljer og perleblomster som blømer til nå. 

Løytnantshjarte har eg i både kvitt og raudt. 

Desse var nye i fjor for dei eg hadde var forsvunne av ukjent grunn.

Denne raude fann eg avbrekt ved rota i dag. 

Kanskje katten eller eit anna dyr som har vore der, ikkje veit eg.

Er spent på om den vil spire på ny.

Gravmyrt breier seg utover og tar seg tilrette så den må haldast i sjakk,

men den er vintergrøn og fin synest eg.

Vårkjærminne.

Forglemmegeisøster.

Forglemmegeisøster.

Eg har masse vårkål rundtomkring, mellom anna i plenen.

Dei får stort sett stå og lyse opp om våren for dei visnar tilbake etter bløminga.

Til å bli glad av :)

Nå er temperaturen tilbake til vanleg  vårtemperatur,

 rundt 7 grader i dag, og kuling frå nord så nå er bremsen sett på igjen :)