Sky Waych Friday.

The weather this last week has been like this..... .....this...... .....and this. I wanted to show somthing nicer on my sky watch post. I was looking through my photo files when I discovered how much longer the day is today than it was in the last days of December. This first sunrise photo is taken 11.13.07 at 8.33 am.

This photo is taken 12.20.07 at 10.25 am. You can see the bridge to the left. These last photos are taken yesterday morning at 8.51 am. A few hours later it was raining -again... I love that the days are getting longer everyday! I wish you all a nice sky watch Friday!

I learn from you award.

Denne fine utmerkinga har eg fått frå Gawo, ho har laga awarden sjølv. Av dei utmerkingane eg har fått er det denne eg set aller mest pris på! Tusen takk! Eg har fått han for innlegga mine frå garden. Kva passar betre enn å legge inn ein liten skuletime i takkeinnlegget?

Om sommaren er det tid for å hauste av "markens grøde". For å få god kvalitet på foret er det mange ting som skal klaffe. Rett mengde gjødsel til rett tid, passeleg med regn, rett temperatur gjennom vekstsesongen, rett haustetidspunkt og fint ver i slåtten er nokre av dei. Kyrne våre kalvar i august og september og mjølkar til i mai. Då blir kyrne "sina" (me sluttar å mjølke dei). Deretter får dei ferie, dei går ute på "grøne enger" til langt utpå hausten. Etterkvart som dei kalvar må dei inn i fjøset to gonger om dagen for å bli mjølka. Ein gong i månaden måler me kor mykje melk det er i kvar ku og annakvar månad tar me melkeprøvar av alle kyr. Prøvane sender me til meieriet for analyse saman med rapport om mengde melk, foring, helse og kalvingsopplysningar mm.

Kvar ku har nummer og namn. Kvar prøve blir tilsett ein tablett for at melka skal halde seg frisk til ho blir analysert. Tre A4 ark blir fylt ut kvar månad. Me får betalt etter kvalitet så det svarar seg å gjere eit godt arbeid. Det er viktig å stelle godt med dei minste.

Sauene har funne ut at graset hos naboen er grønare enn heime. Dei sjekkar jamleg om nokon har gløymt å lukke grinda. Villsauene har eg nettopp laga eit innlegg om, men eg har lyst å ta med nokre bilete.

Her står dei med baken til, klare til å springe. Ikkje ganske alle søyene har horn. Verlamma har store horn etter nokre få månader. Flotte verlam, over og under. Veren er snart tre år gammal. Som sagt tidlegare er villsauene nå selt til andre bønder. Balder er gromgutten på Heimdal. Han tar stort sett livet med ro, men han har det med å dukke opp der det skjer.

Dette er ein liten del av arbeidsoppgåvene på ein gard. Det er mange eg kunne delt denne awarden med, men eg vil ha det til gode til eit anna innlegg

Ein god dag til alle som er innom hos meg i dag!

Vår i ein vase. / Spring in a vase.

"Når det regnar på presten dryp det på klokkaren" heiter det i eit ordtak. Denne nydelege buketten fekk eg hos ei av søstrene mine på søndag. Det skulle vere for at mestedelen av arbeidet med mor si feiring fall på meg. Eg syntest me fordelte arbeidet ganske bra eg. Alle tre baka og serverte. Ho av oss som bur i Stavanger ordna med gåva. Eg dekka bord og vaska opp og rydda etterpå. Litt mask er det alltid, men når eg såg korleis mor kosa seg med alle rundt seg var det vel verdt arbeidet.

Med denne vakre symfonien i fargar vil eg ønskje alle ein fin kveld!

With this beautiful symphony in colours I will wish you all a nice evening!

Fullt hus og stormande jubel!

I går var mange i familien samla for å feire mor sin åttifemårsdag på etterskot. Barn, svigerbarn, barnebarn, fleire av syskena, svigerinner, fetter, niese, nevø og anna slekt. Me var tjuefem tilsaman, så det blei folksamt i mor si stove. Me hadde dekka både i stova og på kjøkkenet. Greit med generasjonsbustad ein sånn dag så kan selskapet dele seg etter maten. Ungdommane kosa seg saman inne hos oss.

Her sit mor med gåva frå barna med familiar. Lampeskjermane ho hadde var slitne og falma etter mange år. Ho likar skjermar som er litt pynta, det er det ikkje lett å få tak i dag. Desse er håndlaga hos skjermspesialisten i Stavanger. Dei falt i smak(biletet er tatt inne hos meg).

Dette fine maleriet fekk ho frå bror sin, han har mala det sjølv. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Mjukare enn myrull som voggar i vind langt inni fjell. Er minna som sviv gjennom mor sitt sinn ein gråkald og blåsande kveld...

Det vanka mange blomar, både oppsatsar og bukettar. Ho fekk også ei vakker hortensia.

I dag står det oppvask og rydding på programmet for meg. Første oppvaskmaskinen er nettopp ferdig, skal sette på ein til.

God mandag til alle som er innom!

Januarbilete frå hagen min. / Photos from my garden in January.

Greit nok å vise flotte blomesamanstningar på eit festbord, men det er naturen sine eigne arrangementer som verkeleg fasinerar meg. Eg var ute ein dag med kamera, tenkte eg kunne fotografere litt vinter sjølv om me ikkje har snø her. Tome frøkapslar på ei Irisplante. Kva er dette? Sopp eller lav? Det veks iallefall på ein trestubbe. Også torner kan vere vakre om ein ser nøye etter. Lav i fleire fargesjatteringar som veks på ein bergknaus.

Alpeklematisen står med bresteferdige knoppar i januar. Kva skjer når frosten kjem i mars-april? Vivendelen ventar også utolmodig på våren. Narsissene tålar nok ei frostnatt eller ti. Ein ringblome som har halde stand sidan i fjor.

Nye knoppar klare til å opne seg. Eg kjem ikkje på kva denne heiter i farten. Desse blå klokkene blømer nesten året rundt. Fleire av tusenfrydane var begynt å bløme. Sjølv om hagen min ligg i vekstsone ein er det merkeleg det som skjer. I fjor hadde me nesten sommar i slutten av mars, medan sommarblommane ville fryse for meg i slutten av mai.

Desse bileta tok eg tidlegare i veka før stormane som har herja dei siste dagane. I dag har me frost og snø, i morgon er det meldt sju varmegrader og regn.

Uansett ver;GOD HELG!

Pakke i posten og ei lita utfordring.

Dette fekk eg i gåve frå Molly's heaven i dag og det berre for at eg la igjen ein liten kommentar! Eg elskar positive overraskingar og dette var nydelege ting! Tusen, tusen takk! Du er verkeleg snill! Engelen er alt hengt opp under ein lampett over skrivepulten i stova, sånn at eg ser han kvar gong eg sit ved data-en. Eg synes han er skjønn. Skiltet kan eg bruke når eg er ute ein snartur. Eg vurderer å legge det på puta mi, det hender at mannen lurer på kvar eg blir av når han har lagt seg, hehe. Eg er ofte på reise etter leggetid, -i Blogglandia! ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

I dag fekk eg ei utfordring frå Eba. Eg skal skrive sju avsløringar om meg sjølv.

1 Eg er eit ei blanding av eit skippertakmenneske og perfeksjonist.

2 Frå naturen si side er eg eit utprega B-menneske, eg er snar til å "snu døgeret" i feriar.

3 Når eg køyrer bil spelar eg musikk på full guffe og gaular med for full hals.

4 Eg har lett for å snakke i munnen på andre, ikkje vondt meint, men eg klarer ikkje vente.

5 Favorittboka mi på skulebiblioteket handla om honningmauren.

6 Då eg var barn og tenåring var eg veldig sjenert.

7 Eg likar ikkje husarbeid, men likar å ha det fint rundt meg.

Er det nokon andre som har lyst å komme med avsløringar så kom igjen!