Hagen får verkeleg vaska seg og alt regnet øydelegg nok ein del av plantene som framleis held stand. Me har hatt ein nydeleg sommar og haust her på sørvestlandet i år. Bilda som følgjer er med få unnatk tatt dei siste fjorten dagane. Solskinet møter meg i det eg trør ut i hagen 16. september.
Hagen sett "litt fra oven". Dette og neste bilde er tatt frå altanen og gjev eit godt bilde av denne delen av hagen.
Mykje er avblømd, men løvemunn og blodsdråpar står framleis fine.
Eg har valt sommarblomar som ikkje er favoritt hos brunsneglen, dette har redusert snegleplaga ein god del. Løvemunn har blømd frå slutten av mai og står ennå i full flor. Friske fargar til å bli glad av!
Slik såg surfina og baccoba i samanplanting ut den 12. juli. (dei to neste bilda)
Dei same blomane 16. september. (dette og neste bilde)
Campanula poskarskyana, har eg også i kasse. Denne klarer vinteren godt og kjem igjen år etter år.
Eg er veldig glad i fuksia, eg har fire ulike sorter. Sidan dei står heile vinteren i ein gammal potetkjellar og først kan tas ut i lyset når det er frostfritt kjem dei seint igong med bløming.
På vestveggen i "kosekroken" har eg erteblomar i verandakasse(frø frå Ida) og fyllt hengepetunia og baccoba i amplar. Bilde er frå 24.august.
Same kroa 16. september.
Erteblomane blømer rikt ennå, dette bilde er tatt i går.
Verbena og baccoba. Verbena luktar himmelsk! Herleg å sitte under dei ein stille sommarkveld.
Eg er veldig glad i samanplantingar der former og fargar harmonerer.
Krukke utanfor døra, million bells og margeritt saman. Bilde er tatt 12. juli.
Eg har ei krukke på kvar side av døra. Bilde tatt 16. september.
Også plantene på sykkelen har blitt flotte dei siste vekene, men hengepetuniaen er blitt stygt medfaren av regnet det siste døgeret og har nok sett sine beste dagar. Bilda er tatt for fjorten dagar sidan.
Pelargonium likar heller ikkje regn.
Med desse bilda frå septemberhagen min ønskjer eg alle bloggjestene mine ein god haustdag :)
