Rusletur i hagen. / A little walk in the garden.

I dag skein sola frå skyfri himmel! Eg hadde ein del å gjere i dag så eg fekk ikkje tatt nokon tur i naturen, men ein liten tur i hagen er det alltid tid til mellom øktene. / Today the sun was shining from a clear sky. I took some photos in my garden. Nå er bæra på kristornbusken min raude og modne. Fuglane er alt begynt på festmåltidet så eg fann ut at det var best å få tatt ein del bilete før bæra er borte. / The berrys on the holly are shiny and red. The birds loves the berrys. Kastanjetrea er begynt å sleppa fruktene sine. / The chestnut trees are loosing their fruit.

I går hadde me eit ufyseleg ver med ekstreme nedbørsmengder og heilt opp i liten storm i vindkasta. Kastanjene låg strødd i dag. Nydeleg brunfargar på nyopna kastanjer. Nokre skal inneheld tvillingnøtter. Eg har eit par sedumtyper som står på sitt finaste akkurat nå. Den første er liten og krypande.

Smørbukk på dei to neste bileta. Smørbukken lyser opp i både grå og klåre haustdagar. Vivendelen blømer som om det er midtsommar. Kan ikkje hugse at han har blømd så rikt så seint i sesongen før. Nokre av rosene står med nakne greiner, andre trossar regn og vind. / We've had a really bad weather the last few days, but some of the roses are still blooming.

Nostalgirosa mi har eg hatt så mange gonger på bloggen i sommar at folk er vel leie av henne. Eg må likevel ha henne med. Ho står frodig og mørkegrøn og blømer raust. Eg har støtte rundt henne for at ho ikkje skal knekke under alle rosene i regn og vind. Utsida av rosene er prega av veret, men dei er like fine inni. Vil ønskje alle bloggvenner ein god onsdag! Takk for varme og gode tilbakemeldingar og kommentarar!