Husdyra våre. / Our domestic animals.

I dag har me jobba med sauer. Det er tid for å selga lam og me har voge alle dei "kvite" lamma våre. Me er ikkje heilt nøgde med vekta på lamma i år. Til tross for særs godt beite er vekta lågare enn i fjor. Det kjem nok av at me har hatt mykje regn i sommar. Lamma trivst best når sommaren er fin. Me samla og saman villsauene og gav dei litt kraftfor slik at me fekk telja dei og såg etter at dei hadde det bra. / The following photos are of our (wild) sheep. The first one is the ram, the following photos are his offspring. Han far sjølv på biletet over, ein del av avkomma på bileta som følgjer under.

Villsauene er vakre dyr, pelsen har mange ulike fargar. Spesielt værane har flotte horn. Dei har innstinkta i behald, dei skal ikkje ha mykje uro eller framande rundt seg før dei stikk til utmarka. Her er nokre av dei vanlege lamma våre. Norsk kvit sau. / Some of our ordinary lambs. Norwegian white sheep.

Då me kom heim igjen kikka me innom fjøset for å sjå om to kalveferdige kyr som stod inne. Den eine hadde då kalva tvillingar medan me var borte. Kossekalven var lita, medan stutkalven (under) var middels stor. Her har dei fått kvar si flaske med mjølk og kviler ut etter fødselen. (Den andre kua kalva i kveld, ein stor og fin kossekalv.) /Newborn twincalfs, one girl and one boy. Her er kyrne inne for å mjølkast, då vankar det kraftfor. / The cows are in for milking. Fulle jur og mjølkespreng. Dei likar å bli mjølka. Kalvane veit at det snart er mjølk å få og sleikjer seg på nasen.

Kalvane i denne garden er litt eldre og er fleire saman. "Kjem du ikkje med mjølka snart?" Mjølkebøttene er på veg og kalvane er klar. Mmmm-mjølk! Kvardagsbilete frå ein liten gard der me ikkje har fleire kyr enn at alle har namn, ikkje berre nummer.../ Everyday photos from our little farm.