Jølster, heimbygda til Nikolai Astrup.

Neste morgon tok eg dette bilde frå balkongen på hotellrommet vårt. Jølstravatnet låg speglblankt og det var eit lett skydekke.

Heilt innst i botnen av Jølstravatnet er det berre ei bru mellom vatnet og Kjøsnesfjorden, eit smalt vatn som strekker seg inn mellom stupbratte fjellsider. Me tok turen over brua og køyrde utover langs Jølstravatnet på andre sida for å kome til heimplassen til kunstnaren Nikolai Astrup. På brua stoppa me og eg tok dei neste fem bilda innover Kjøsnesfjorden. Her (bildeserien under) budde Nikolai Astrup når han var heime i Jølster. Tunet er i dag museum. Du kan lese meir om Astrup her. Eg har også laga ei lenke til maleria hans, dei finn du her. I desse små husa levde Astrup saman med kona Engel som berre var seksten år då dei gifta seg. Dei fekk åtte barn saman. Legg merke til det bittelitle huset til venstre på bildet (under), der budde mor til Engel då ho blei gammal. Her heng fine heklagardiner som ikkje stel for mykje lys i dei små vindaugene. Heimen ber preg av at også Engel var kreativ og flink med hendene. I tillegg til Nikolai Astrup sine maleri er det vakre vevde åkle på veggene. Det er også vevde teppe på sittebenker og bord. Vogga ber preg av å vere godt brukt. Vakkert mellomverk på sengetøyet. Frå kjøkkenet. Staffeli, palett og hattar er tatt vare på. Engel var også ein kunstnar på sitt felt. Ho teikna og trykte mønster på stoff. Dette sydde ho gardiner og puter av, i tilleg til klede. Kjolen under har ho laga sjølv. Til venstre familien sin dåpskjole som kjem frå Nikolai sin heim. Puter som Engel har laga. To av platene ho brukte til å trykke mønster på stoff med. Syskrinet til Engel. Dei var flinke og hadde stort tolmod mange kvinner før, men det var nok før ordet fritid var oppfunne. Etter museumsbesøket tok eg dette bildet som viser små gardar som speglar seg i Jølstravatnet. Me køyrde same vegen tilbake over brua (bilde tatt frå brua og inn fjorden) og køyrde vidare langs Kjøsnesfjorden og opp i fjellheimen. Det blei eit langt innlegg dette, men eg hadde lyst å vise alt frå Jølster i eit innlegg.