Vått.

Sommarblomane er komne i jorda og dei fekk ein tøff start ute i det fri. Først blei dei nesten rivne opp med rota av kuling, deretter blir dei nesten drukna. Det positive oppi dette er at eg slepp iallefall å vatne for tida! Eg har brukt så mange timar av fritida mi i hagen dei siste dagane at det har blitt lite tid til å bli kjent med det nye kamera så ikveld i pøsregnet var eg ute ein tur med kompaktkamera.

Million bells er ein av sommarblomane eg set mest pris på. Spanske margeritter er fine. Heiter denne sløyfestråle mon tru? Eg hugsar ikkje. Små låge tuer med skjønne lilla blomar. Det er første gongen eg prøver desse. Verbena har eg planta i samanplanting med tre ulike fargar. Akeleieknopp. Det er berre nokre få veker sidan kastanjetrea såg slik ut. No blømer dei. Kastanjetre er eit syn når dei står dekka med dei skjønnaste blomar. Når eg sit under eit blømande kastanjetre og høyrer på humler og bier som summar og leitar etter nektar då kjenner eg at no er det sommar. Eg høyre ikkje insekt no i kveld, berre suset av regnet. Men du så herleg frisk luft det var ute. Takk for kommentarar :)