New lambs, new calves. / Smålam og kalvar.

Så er lamminga i gong hos oss også, seint men godt. Dei fem første sauene har lamma tilsaman seksten lam! Nitten sauer til skal lamme og held det fram som dette blir det mange alelam i år.

Denne søya har fått sitt aller første lam. Ho kikka og snusa på det vesle nurket og idet lammet kom med sitt første spede bæ bobla morskjærleiken opp. Her er lam nummer to kome på beina. Me blei opptatt med to andre søyer som fekk tre og fire lam og då me seinare kom for å ta inn denne søya hadde ho fått eit lam til. Også i fjøset er det mange små i desse dagar. Hereford heiter denne nøysomme rasen. Me har også ein annan kjøtferase, Charolais. Desse dyra er større enn Herford og vil ha betre beiteforhold.  Dei små er skjønne uansett rase, for dei er det tre ting som gjeld; drikke, danse og sove. Denne karen er eitogeithalvt år gammal og skal bli far til Charolaiskalvane som blir fødde dei neste to-tre åra. Ein flott rørslig kar. Brei over nakken. Så får me håpe at han er godsleg også slik at me trygt kan gå mellom dei på beite. Ønskjer alle som er innom hos meg fine vårdagar :)