Heimdal

På veg heim.

2012-02-01T23:16:00.000+01:00

Då eg var på veg heim frå Aksdal på mandag måtte eg stoppe på Ognøy

og feste dette magiske kveldslyset over Bokn til minnebrikka på mobiltelefonen min.

Her ute under tv-masta ein stad bur eg! Er det ikkje vakkert?

Etter regn, storm og ruskever i lange periodar tar eg imot slike kveldar med opne sansar og berre nyt!

Å Vestland, Vestland! Når eg ser deg slik

med fagre fjell og fjord og tronge vik,

det stig i all sin venleik stort og vilt

og atter møter meg så mjukt og mildt.

Tore Ørjasæter

Det dagast.

2012-01-26T22:56:00.000+01:00

Morgonlyset fanga med linsa på mobilen i går litt før klokka ni.

Eg har ikkje redigert bildet meir enn at eg har lagt på ramme.

Dei siste to dagane har det storma skikkeleg her ute ved kysten. Så sjølv om gradestokken viser to-tre grader pluss er det bitkaldt ute. Heldigvis går det mot lysare tider :)

Ikkje berre hus, men heim.

2012-01-21T22:04:00.000+01:00

Eg har brukt dei siste vekene til å gjere det "nye" huset vårt om til ein heim.

Huset er så forandra at eg gjekk litt att og fram i stovene i starten

og lurte på om eg kom til kjenne meg heime her. Nytt og fint, men framandt.

Nå har eg fått sett mitt preg på inventaret og funne meg godt tilrette :)

Denne helga har me fått lånt denne vesle sjarmøren som bed deg velkommen inn :)

Her er litt nytt og litt gammalt. Maleria har eg vist før.

Dei små koselege bøkene på skapet har Berit Tjøsvoll laga.

Lampen har eg hatt i årevis medan telys-lyktene er nye.

På eit lite skap står det kjære ting eg har arva etter mor.

Då eg var lita jente var dette fatet og tekanna noko av det finaste eg hadde sett.

Dei er sikkert ikkje verd mange kronene, men eg elskar dei.

Lys er viktig og eg har kjøpt nokre nye lampar.

Kristusbildet fekk eg av BeritT til ein fødselsdag for to-tre år sidan.

Orkidéen er innflyttingsgåve.

Då eg skulle handle inn nokre nye blomar var eg så heldig å finne nydelege engelske pelargonia.

Dei passa perfekt til den nostalgiske stilen huset har fått.

Ny stålampe. Lampane eg har kjøpt på Lampehuset på Oasen. Det er eit stort utval i lampar på lampebutikkane her i distriktet, men det var berre Lampehuset som hadde den stilen eg var ute etter.

Skjenken er frå barndomsheimen min.

Denne fine kaffikanna kjem frå mor sin familie. Asjetten er også gammal, men eg er usikker på opphavet.

På fatet ligg ei sølvskei og sølvgaffel som far fekk til komfirmasjonen. Skeia er så tynn at ho kan umogleg vore brukande til å ete med. Påleggsgaffelen har vore mor sin.

Denne store sølvskeia er tynnsliten og oppskrapa under skeibladet etter at ho har vore brukt i grautgryta.

Det at tinga er godt brukte gjer dei berre meir verdifulle for meg.

Her har eg også ein gammal huspostill med gotisk skrift liggande.

Det som aller mest gjer eit hus om til ein heim er familien :)

Nå er me toeine til dagleg, men bilde av barn og barnebarn er noko av det kjæraste eg har :)

I det du går ut kan du jo ta kjøkkenvegen. Her har eg nettopp fått opp knaggar

til å henge opp forkle og andre ting som er praktisk å ha for handa.

Dette skjønne fatet fekk eg av Berit då ho var hos meg nå på torsdag.

Fatet passa perfekt på kjøkkenet hos meg. Tusen takk for fatet Berit,

men aller mest takk for koseleg besøk :)

Då seier eg og Ask Leonard takk for besøket og velkommen igjen :)

Puter frå Eurofoto.

2012-01-12T21:34:00.000+01:00

Eg var inne på Eurofoto sine nettsider og sjekka ut det meste av kva ein kan kjøpe med bilde på. Eg fekk lyst å prøve ut programmet for å lage puter med eigne foto. Her ser du resultatet. Ein kan velge innramming om ein vil. Ein kan også skrive på putene og vel størrelse på bokstavar og kva skrift ein vil ha. Putene blei ganske bra, men eg skulle gjerne brukt litt meir pengar om eg hadde fått eit anna stoff som lin eller litt grovvevd bomull. Putene er i glatt polyester noko som gjev dei eit nokså billig preg. Fargemetninga blei også litt i meste laget. Men alt i alt er eg nøgd med resultatet.

Om nokon veit om stader der ein kan kjøpe puter med eigne bilde av anna stoff så skriv det gjerne i ein kommentar :)

Julegåver.

2012-01-10T18:49:00.003+01:00

Fekk lyst å vise nokre av gåvene eg fekk til jul :)

Først gåva som var den finaste utanpå. Den fekk eg frå mi kreative svigerdotter.

Vakrast innpakka gåva eg har fått nokon gong :)

Fint det som var inni også. Det pyntar opp på badet nå.

Gåva med det aller finaste innhaldet var dette skjønne bildet av Ask Leonard

me fekk av han og foreldra. Herlege godgutten vår!

Bildet er kome opp på stoveveggen rett innafor døra slik at alle som er innom får sjå det :)

Den mest praktiske gåva fekk eg av døtrene mine, skikkeleg utstyr for å halde meg på beina på glattisen.

Midt i blinken for meg som går til jobb og elles også er mykje ute.

Eg fekk også musikk frå dei, noko som alltid er kjærkome.

Noko forseggjort og fint innpakka til å bruke på badet,

noko fint til å henge på veggen og noko fint å høyre på :)

Og ikkje minst praktiske "isbroddar".

Ingen grunn til å sitte inne om det er iset og glatt ute. :)

Det meste er på plass.

2012-01-02T19:56:00.000+01:00

Det har vore lite julestemning frå naturen si side i jula og romjula,

det har vore storm og regn stort sett.

Då er det kjekt å vere saman med venner og familie

og pusle med ting innomhus.

Me klarte akkurat å kome inn i nyoppussa rom til jul.

Veggene var utan bilde og vindaugene utan gardiner,

men kjekt var det likevel.

Då juletreet stod ferdig pynta utpå julafta blei det rektig så koseleg.

Og då julegjestene kom, med denne vesle pjokken som hovudperson, kunne det nesten ikkje bli betre :)

Bildet er tatt i romjula, julafta var Ask Leonard stasa opp med svart bukse og kvit skjorte med sløyfe.

Då me gjekk inn i det nye året var endeleg gardiner og dei fleste bilde på plass.

Gardinene har eg kjøpt frå Helen Fredholm som importerer dei frå Skottland.

Du finn meir informasjon om dei her.

Eg falt pladask for desse vakre blondegardinene første gong eg såg dei på Helen sin blogg.

Opptakerane, eit breitt blondeband har eg også kjøpt frå henne.

Ho sel mange ulike blonder. Om du har lyst å ta dei nærare i augesyn finn du dei her.

På veggene er det ei blanding av litt av kvart.

Familiefoto og bilde eg har tatt sjølv har eg flest av. Eg har av og til blitt spurt av andre

om dei kan få male eit av bildemotiva eg har hatt på bloggen min.

Dette har eg sjølvsagt sagt ja til.

Ser på det som ei stor ære faktisk at andre likar det eg viser så godt

at dei får lyst å lage sin versjon av det.

Maleriet over er malt etter eit foto eg tok av det gamle fjøset

hos svigerforeldra mine i sommar.

Bildet mitt ser du her.

Ho som har mala dette er Vivan Østerberg som bur i Finnland.

Eg har blitt kjent med henne gjennom blogging.

Då ho viste resultatet på bloggen sin, du ser det her,

fekk eg lyst å kjøpe det og henge det på veggen.

Det neste bildet har eg fått av mi kjære venninne Berit Tjøsvoll,

ho har mala det etter eit foto eg tok av kjellardøra vår.

Det siste bildet under her hengde på veggen over divanen

i daglegstova vår då eg var lita jente.

Det er nok ikkje verd noko i pengar, men det har stor affeksjonsverdi for meg.

Far fortalde at farfar hadde kjøpt det til ei av søstrene hans då ho var alvorleg sjuk.

Far miste fem søsken som barn og unge vaksne.

Og dette bildet minner meg om dei tantene og onklane eg aldri fekk møte.

Huset frå 1855 har sjel og i tillegg har det skeive vegger og golv, men det får våge seg :)
Så er det opp til oss sjølve å lage huset til ein god heim å bu i :)

Julepynta kjøkken.

2011-12-31T12:00:00.000+01:00

Julafta var kjøkkenet klart til bruk etter travle dagar og kveldar i det siste.

Skap og fliser er ikkje nye, men er fornya med svarte beslag til skap og skuffer.

Me valde svart sidan hengslene på skapa er svarte. Benkeplata er svart med grått mønster.

Kvitevarene er nye. Rya på golvet har eg kjøpt hos Sonja som har bloggen Sonjas side.

Rya tar opp blåfagen frå flisene. Gardin og duk har eg kjøpt på Tekstilhuset i Haugesund.

Klokka fann eg på Stjernedryss på Oasen. Stjerna i vindauga kjem frå Jernia.

Alt i vår kjøpte eg eg ulike krukker til kjøkkenet frå Perfect home.

Dei har stått nedpakka og det var kjekt å få dei på plass.

Vatnkrana leita eg lenge etter. Eg ville ha nostalgisk stil, men med ein hendel. Greit å blande det estetiske med det praktiske. Denne som eg enda opp med heiter Classic og er frå Tapwell.

Denne karen enda på kjøkkenveggen fordi han passa så godt i fagen. Eit av villsaulamma våre.

Lampen over bordet kjøpte eg hos Kot elektro i Stavanger.

Eitpar små englar som har slått seg ned i gardina skal snart pakkast vekk

saman med denne vesle nissen som står på benken.

Takk for alle kommentarar og tilbakemeldingar på sist innlegg.

Det har blitt lite tid ved dataen for min del i det siste.

GODT NYTT ÅR TIL ALLE SOM FØLGJER BLOGGEN MIN :)

Endeleg!

2011-12-18T22:42:00.000+01:00

Endeleg er me klare for innflytting i "nye" rom.

Me har jobba heile helga for å få dei første møblene på plass.

Så fekk eg tent adventslysa i den nye adventsstaken eg kjøpte for ei stund sidan.

Det neste er å få opp gardiner, bilde og lampar. Eg har kjøpt to julegleder og to julestjerner,

men må nok supplere med meir blomar etterkvart.

Tapetet er "Kroken 40241" frå Norsk arv noko som passar godt inn i eit gammalt hus som vårt.

Det neste som skal på plass er gardinene.

Juleservise som har vore mor sitt.står klar til å dekkast på til julegjestene :)

Ny lampe i gammal stil, kjøpt hos Kot elktro i Stavanger.

Ein bitteliten lampebutikk med utruleg masse fint!

Lysglassa er kjøpte på Nille, fine synest eg :)

Denne fine juleposen som eg kjøpte hos Hulda for to-tre år sidan

pyntar opp frå nokkelen på skapet.

Nå er det "berre" resten igjen før me kan be inn til juleselskap :)

Berit ruskar ute.

2011-11-27T17:39:00.001+01:00

Stormen Berit ruskar skikkeleg utanfor veggene i dag. Til og med Boknasundet som ikkje ligg direkte ut mot storhavet grov seg skikkeleg opp med kvite skumtoppar. Godt med "hole hus" på dagar som denne :)

Sauene våre går og beiter i livd frå huset og let seg ikkje afisere av stormen i det heile.

Ønskjer alle som er innom bloggen min ein god

første søndag i advent :)

Etterlengta sol til seintblømande stauder.

2011-11-23T21:53:00.001+01:00

I dag har det vore regntungt og mørkt heile dagen, men her kjem hagebilde frå søndag då ei låg novembersol

var oppe nokre få timar og gav dei få staudene i hagen som framleis blømer etterlengta lys.

Det er framleis litt liv i sykkelkorgene.

Stjerneklokker Campanula poscharskyana er ei takksam staude

som blømer frå vår til sein haust.

Krypklokke Campanula portenschlagiana

opnar også nokre klokker mot sola.

Ein og annan stemorsblom som har sjølvsådd seg kikkar også fram her og der :)

Ei einsleg nostalgi-rose er igjen i roserabbatten. Litt vinterbleik, men likevel vakker.

Nå er hagesesongen over for i år, men det er kjekt med ein liten bonus

som desse hardhausane gjev meg så langt uti november som nå :)

Marie :)

Kjuker.

2011-11-20T14:18:00.001+01:00

Eg treng ikkje gå langt for å komme "ut i naturen". I vår bitte-litle skog er det eit naturleg mangfald og fargerikt felleskap. Her veks det mange ulike treslag. Skogen her har vore ein naturleg leikeplass for barna her på Heimdal i generasjonar. Det var her natur-interessa mi blei vekka då eg var lita jente. Då eg som tolvåring fekk pengar til fødselsdagen la far til nokre kroner slik at eg fekk nok til å kjøpe meg kikkert. Eg fann nokre gamle teppe på loftet som eg laga meg kamuflasje av. Så sat eg der og kikka på fuglane som heldt til i trekrunene.I dag hadde eg ein liten tur her i "barndommens rike" i finveret.

Mellom mange friske tre stod denne døde bjørkestammen med fleire kjempestore kjuker.

Eg har leita på nettet etter namnet på dei utan å finna noko som likna heilt.

"Merksnodige" soppar :)

Ein av naturen sine mange rarietetar :)

Nokon som veit namnet så skriv kommentar :)

Popcorn anyone?

Også på greinene som ligg på bakken veks det kjuker.

Eg fann faktisk litt liv i hagen også, det skal eg vise ein annan dag :)

God søndag :)

Oppdatering: Stor takk til Kristin Vigander som opplyste meg om at kjukene her heiter knivkjuker :)

Klar for oppussing!

2011-11-13T19:11:00.001+01:00

Hei til familie og venner som spør om eg ikkje kan vise bilde frå husrenoveringa,

her kjem ei lita oppdatering :) Enn så lenge er det mørkt i dei "nye" stovene,

men denne veka startar oppussinga. Velkommen inn til ein liten kikk :)

Døra på bildet over går frå gangen og inn i ei av stovene. På bildet under ser me

dobbeldøra mellom stovene og vindauge mot aust (fotografert frå stova i sør).

Kjøkkenskapa er dei same som mor hadde då dette var hennar kjøkken.

Det er likevel ganske store endringar her; nye benkeplater,

nye kvitevarer, nye beslag på skap og skuffer, ny vask og kran,

parkett på golvet, ny dør til gangen og nytt vindauga.

Døra mellom kjøkken og stove har me fjerna slik at det nå er ope der døra var før.

Den nye ventilatoren er smalare og han kjem derfor høgare oppe enn den som var her før

noko som gjer at me treng eit par fliser til å fylle tomrommet med.

Er ganske sikker at det skal vere nokre ein eller annan plass, men kor?

På bildet under ser me skapa over vasken.

Skapa under skal eg vise når krana og oppvaskmaskinen er på plass.

Så nå er nedtellinga igong :) Om nokre få veker kan me flytte inn :)

Morgonstemning.

2011-11-07T10:06:00.003+01:00

Skodda lettar...

Ønskjer alle som kikkar innom bloggen min ein lys og fin dag :)

Heile familien sin sjarmør!

2011-11-06T17:39:00.000+01:00

Ask Leonard fylte eitt år den fjerde november :)

Det blei ikkje noko selskap på han, han var nemlig bortreist på dagen.

Dagen før reiste han til Haukeland sjukehus i ambulansehelikopter.

Godgutten blei operert og er nå heldigvis på betringens veg :)

Farmor og farfar gratulerer heile familien sin sjarmør med vel overstått dag :)

Selskap kan me alltids ha når han kjem heim :)

Langvegsfarande gjester og heimlege husdyr.

2011-10-30T13:09:00.000+01:00

Nei, eg har ikkje sommarfuglar i hagen lenger nå, desse bilda er frå tidlegare i haust.

Admiral-sommarfuglane kjem flagrande frå sørlegare trakter i mai..

Dei legg egg på nesleplanter og den nye generasjonen lever til

langt uti oktober om det ikkje blir for kaldt.

Vår heimlege humle derimot har verken lydlause eller fargerike venger,

men ingen er så velkommen i hagen min som henne.

Godmodig og surrande er ho det første insektet som ber bod

om at det går mot varmare dagar om våren :)

God søndag :)

Julegåvetips, Heimdal-kalender :)

2011-10-27T16:34:00.006+02:00

I morgon bestiller eg kalenderane. Eg kjem ikkje til å kjøpe noko særlig meir enn det eg får bestilling på sidan kalenderar bokstaveleg tala går ut på dato :)
Eg tar 200 kr for kalenderen som er i ekte fotokvalitet. Kalenderen er 30x40cm.
Du finn oppsett til kalenderen HER.
Så om du vil ha, ta kontakt :)

Kalender 2012

2011-10-23T19:17:00.000+02:00

Eg vil også i år lage eigen kalender. Om nokon har lyst å kjøpe av meg så send meg ein mail; marie.vaagshaug@gmail.com, helst før 28.10

Øvste bildet blir framsida av kalenderen.

Januar, her har eg prøvd å fange litt vinterlys.

Februar byd også på korte dagar.

Mars, sist i månaden lyser krokusen opp om me får nokre milde dagar.

April, mange skjønne små kjem til verda.

Mai, månaden då villapalen blømer.

Juni. det gode liv for små og store.

Juli, tid for hage.

August, ettersommar.

September, det går mot haust.

Oktober, varme fargar frå gult til brunt.

November, stort sett snøfri hos oss.

Desember, dagane er korte.

Kalenderen er 30x40 cm og er i ekte fotokvalitet.
Det er plass til å notere i dato-rutene.

Ei gong for lenge sidan...

2011-10-22T13:39:00.000+02:00

...sprang det leikande barn her...

Nå står desse gamle husa til nedfalls fura og verbitte, men likevel vakre i all si einsemd...

Som lauv er du og eg.

Fort skjelvande, og fort borte.

Kom -

Tarjei Vesaas

Heimdal-huset, snart ferdig utanpå.

2011-10-16T17:38:00.000+02:00

Hei til slekt og venner som har spurt etter oppdatering om husrenoveringa.

Nå manglar det berre littegrann maling og rekkverk rundt verandaen før huset er ferdig utvendig.

På vindaugene i andre etasje skal det monterast sprossekassettar.

Nordsida skal få eit malingstrøk til. Det same gjeld listverk ved inngangsdøra.

Velkommen inn!

Taklister og nokre av vindaugelistene er på plass.

Litt fleire lister, parkett på golvet og eindel kjøkkenarbeid igjen før oppussing.

Gledar oss STORT!

Sjarmør i pels :)

2011-10-14T11:47:00.000+02:00

Eg har dei siste dagane gått gjennom ein god del bilde med tanke på å lage kalender.

Idet eg leita gjennom aktuelle bilde kom eg over denne serien eg tok av Balder i 2009.

Sidan det er ei stund sidan eg hadde Balder på bloggen lar eg han helse alle god helg frå meg idag :)

I dag er det "freddan", hugs å kose litt ekstra med dei du har rundt deg :)

GOD HELG :)

Hausten er her.

2011-10-07T17:22:00.000+02:00

Sist helg hadde me eit lite pust av sommar her hos oss,

men nå er hausten definitivt her med kuling og kraftige regnbyger.

Slutten av april bar bod om ein varm og solrik sommar, men det varte dessverre ikkje lenge.

Me fekk mange gråversdagar.

Temperaturen har vore sånn nokolunde så mange av vekstene i hagen har likevel vist gode teikn på trivsel.

Flott å sjå forvandlingen frå knopp til utsprungen blom.

Scabiosa hadde få blommar i år, eit tydeleg teikn på for lite sol.

Ryllik blømer seint og lyser fint opp på ettersommaren.

Oktoberbergknapp er fin både i knopp og blom.

Han trekker til seg masse insekt når blomane opnar seg om hausten.

God helg, tenn lys i haustmørke :)

Ein liten bukett roser.

2011-09-21T21:39:00.000+02:00

"Har du en hobby som du er blitt glad i så trenger du ikke å kjede deg mer"!

Når eg sit med fotoredigering storkosar eg meg :)

Når dagane er travle og tidvis krevande er det godt å koble ut alle plikter og krav

og berre gjere ting som gjev udelt glede av og til :)

Håpar at du også kosar deg over resultatet saman med meg :)

Når hausten er på sitt finaste.

2011-09-18T18:50:00.001+02:00

Det er mykje regn og rusk om hausten på desse kantar av landet,

men av og til glimtar naturen til med dagar som veg opp for alle dei grå.

Himmelen er så blå, så blå med skyer som ser ut som små kvite bomullsdottar.

Sjøen ligg blank og speglar himmel og jord.

Å Vestland, Vestland! Når eg ser deg slik

med fagre fjell og fjord og tronge vik,

det stig i all sin venleik stort og vilt

og atter møter meg så mjukt og mildt.

Og gleda strøymer i meg still og stor

med glans av bjørkeli og blåe fjord.

Og i meg sjølv eg kjenner dypter av

den stille skogen og det store hav.

Ein sommar er over...

2011-09-14T20:30:00.000+02:00

For meg som er "hagegal" er det kjekt å lagre sommarminne som bilde som eg kan kose meg med

når hagen blir haustbrun og etterkvart går meir og meir i dvale.

Eg har vel aldri så lenge som eg har hatt hage vatna så lite som iår. Det har naturen sørga for sjølv.

Nå skal det vel også seiast eg eg aldri har hatt færre krukker enn denne sommaren.

Reknar med at til neste år skal alt vere på plass igjen etter husrenoveringa.

Gledar meg alt nå til å pynte rundt "nytt" hus :)

Ha ein fin kveld :)

Eit lite pust av ettersommar.

2011-09-10T18:28:00.000+02:00

I dag blir det eit lite arkivdykk her hos meg. I midten av august var eg ute på ein liten kveldstur der eg hadde kamera med. Heldigvis går ikkje bilde ut på dato, det må isåfall vere julebilde som blir lagt ut i februar, hehe.

Skyene har lagt eit lite "blondeslør" over himmelen ein blikkstille kveld.

Eit lite pust av ettersommar som tar farvel og bed oss ønske hausten velkommen.

August er det mykeste myke jeg kjenner
denne skjelvende streng mellom sommer og høst
denne dugg av avskjed i mine hender

Dette hemmelige milde inn over jorden
denne lyende stillhet:
Tal, Herre, tal!
Dette lyset som hviler
på modningens høyde,
dveler
og synker mot visningens dal

Disse kvelder da trær
er som skygger i skyggen
Denne ettårsfred over sted og forstand
Jeg har drømt at jeg seilte mot evigheten,
og en kveld i august var den første
besynderlig duse kjenning av land

Jeg vet midt i alt det jeg ikke vet:
August er det mykeste jeg kjenner,
myk som sorg og som kjærlighet

Einar Skjæraasen

God mandag :)

2011-09-05T11:14:00.000+02:00

Vil ønskje alle som kikkar innom bloggen min ein god mandag :)

Langt der borte i solskinet...

2011-09-03T10:32:00.000+02:00

Langt der borte i solskinet er mine høgaste mål.

Kan hende når eg dei ikkje,

men eg kan kikke opp og sjå kor flotte dei er,

og tru på dei...

Louisa May Alcott

Eit lite spann av tid...

2011-08-31T20:34:00.000+02:00

Eit lite spann av tid

imillom æver to.

Den tidi, ho er mi

Eg lever no-

Trygve Bjerkrheim

Ein liten kikk :)

2011-08-28T13:04:00.000+02:00

Det vil gå nokre veker før me kan flytte inn i "ny" stove ennå, men "den som ventar på noko godt"...

Gledar meg til å sjå hagen frå denne vinkelen :)

Her i vestvindauga ser me også vegen ned mot huset.

Frå det eine vindauga i sør ser me rosebedet.

Når me flyttar inn er nok hagen haustbrun, men då er det

blomar og lampar som skal pynte og lyse opp bak kvite blondegardiner :)

Ha ein fin søndag :)

Kom kyra!

2011-08-22T22:10:00.000+02:00

Når kyrne har gått på same beite ei stund er det naturlig at graset på andre sida

av gjerdet (i dette tilfelle; vegen) er grønare :)

Då er det på tide å skifte beite :)

KOSS, KOSS, KOSS!

Versågod stig på!

Kalvane som aldri har gått akkurat her før kjem litt usikre i siste rekke.

Ei av kvigene oppdagar straumstrengen som er lagt ned på bakken og blir usikker.

Graset er i vegkanten ser godt ut det også.

Etter ei stund vågar ho seg over til dei andre.

Siste kalven følger hakk i hæl.

Så er alle på plass og kan meske seg med grønt og frodig gras :)

"Håndlaget med glede av BeritT"

2011-08-19T22:07:00.000+02:00

Nå er det alt ei veke sidan fototuren med bloggvenner. Kjekt å ha bilde til å minne om dagen :)

Me avslutta dagen hos Berit. Berit er ein tusenkunstnar som lagar dei vakraste ting.

Her kjem nokre bilde frå kjellaren hennar :)

Mesteparten av det Berit lagar er til sals. Sjekk facebook-sida "Håndlaget med glede av BeritT"

Stor takk til Berit og "Gamleheksa" for ein hyggeleg dag :)

God helg til alle :)

Vågshaug, eit lite paradis på jord.

2011-08-17T22:01:00.000+02:00

Eg tok bloggvenninnene mine med til småbruket Vågshaug der mannen min kjem ifrå.

Busskuret ved hovudvegen der barna stod og venta på skulebussen for mange år sidan

blir nå brukt som ein skuggefull plett av sauer på beite.

På bakkane på Vågshaug går kyr og kalvar og kosar seg i sola. Desse dyra er våre.

Me køyrer dei ut om våren og hentar dei heim til fjøset på seinhausten.

Minsten her er fødd nå i sommar og treng nokre liter mjølk og grønt gras for å bli like stor og fin

som kalven til høgre som blei fødd tidleg i vår.

Svigerforeldra mine er flytta til ein lettstelt leiligheit i sentrum,

men sommarsdag er garden her eit samlingspunkt for heile storfamilien.

Svigermor har ikkje helse til å stelle hagen lenger, men ennå bugnar hagen av roser og stauder.

Eg og familien min har hatt mange fine stunder her gjennom åra.

Masse fine motiv å finne her for hobby-fotografane.

Takk for oss :)

Langsyn og nærsyn.

2011-08-16T19:50:00.000+02:00

Her kjem fleire bilde frå fototuren til bloggdamene :)

Når eg fotograferer brukar eg både "nærsyn" og "langsyn". På bildet over har eg brukt begge deler på same bilde for å få djupne i bildet. Lys og skugge, refleks frå vatn, det er mykje som kan gje "liv" til eit bilde.

Fotografar i djup konsentrasjon.

Det er seinsommar og mange blomar går bokstaveleg tala i frø.

Ein må tett innpå om ein skal få seg med seg det vakre hos dei små.

I dag har Berit lagt ut sine bilde frå dagen me var saman.

Kikk innom her og sjå hennar vinkling av dei same motiva ;)

Eg kjem med ein ny "episode" om ein dag eller to :)

Sunnalandstraumen, neste stopp på fototuren.

2011-08-15T18:49:00.000+02:00

Neste stopp på fototuren vår var Sunnalandstraumen, ein av dei mest idylliske stadane på Bokn.

Sunnalandstraumen deler den sørvestre delen av Bokn frå resten av vestrebokn.

Før 1870 var det i Sunnalandsstraumen så grunt at ein hest kunne vasse over ved fjære sjø.

Det gjekk med andre ord an å ri over. Den viktigaste måten å kome seg fram på på den tida var nok likevel med båt her ved kysten. Først i 1870-åra blei det derfor grave kanal gjennom Sunnalandsstraumen, slik at det til og med var råd å gå gjennom med småskøyter. Dette letta arbeidet for dei som dreiv fiske. Ein slapp då ro/segle rund heile Jøsenlandet, her står storhavet på og det er svært verhardt. Kring 1906 kom det også veg til Jøsen med klappebru over kanalen. I 1957 blei det lagt ei ny fast bru. (opplysningane er henta frå Bokn, gard og ætt 2)

Lite anna gjev meg ro i sinnet som solskin som speglar seg i sjøen og gjev gjenskin som flakkar att og fram på ei blankpussa og lakka båtside.

Medan me sat på brygga og kosa oss med nista me hadde med kom ein lystbåt gjennom kanalen.

Desse vakre murane er flotte kunstverk synest eg.

Etter ei fin stund i solvarmen bar turen vidare :)

Hyggeleg besøk :)

2011-08-14T19:49:00.000+02:00

Fredag hadde eg besøk av to hyggelege bloggdamer og venninner.

"Gamleheksa" hadde tatt turen frå Toten til Karmøy noko som gav høve til eit aldri så lite "bloggtreff".

Ho og BeritT tok turen til Bokn der eg venta på damene. Så bar det ut på fototur i strålande solskin!

Kjekt å vere ilag med folk som er like hekta på naturfotografering som meg :)

Eg vil vise eindel bilde frå dagen vår saman delt på fleire innlegg.

Første stopp på turen var eit lite skogholt med edellauvskog ved eit av Bokn sine mange vatn.

Høge tre med store, vide kruner som silte solskinet gjennom greinene.

Her var det fredfullt og vakkert å rusle.

Det var ikkje berre trea som var store her, det var også denne maurtua!

Mange av eiketrea her er nok svært gamle. Rart å tenke på at dei har stått her i generasjonar.

Nede ved vatnet sette me oss ei stund og tok inn sommaren i fulle drag.

Utsikta over Gunnarstadvatnet under eit slør av bjørkelauv ein seinsommardag

saman med gode venner kjem eg til å hugse lenge.

Fleire innlegg følgjer...

Hageglede.

2011-08-11T22:55:00.000+02:00

Huset er litt halvferdig ennå, men i dag har eg fått på plass litt krukker med blomar langs to av veggene.

Det blei straks meir koseleg synest eg sjølv om vindaugene manglar både gardiner og blomar i karmane.

Kjekt å få stolar og bord på plass i kosekroken igjen :)

Blomar gjev liv.

Elles er det frodig i beda rundt om, både blomane og ugraset stortrivst :)

I morgon får eg besøk av BeritT frå Karmøy og Gamleheksa frå Toten.

Me skal ut på fototur og kose oss saman :)

Velkommen til damene :)

Gler meg :)

Frøken Rose 2011

2011-08-08T10:55:00.003+02:00

Så er Anne på Moseplassen igong med konkurranse igjen :) Eg hiv meg på som vanleg :)

Denne gongen er det Frøken rose 2011 som skal kårast.

Mi frøken har eg hatt i bildearkivet ei stund og har hatt henne på bloggen før, men ikkje i nokon konkurranse. Dette bildet betyr veldig mykje for meg fordi det er tatt gravferdsdagen til mor.

Denne frøkena vil eg presentere som Frøken Vinterkyss.

Frøken Vinterkyss symboliserer varme og gode minne.

Klikk på "bildeknappen" over her og sjå alle dei flotte kandidatane :)

Stem på det du likar best eller delta om du har lyst :)

Hus og hage.

2011-08-05T21:17:00.002+02:00

Etter nokre fine, varme sommardagar har det i dag regna og vore grått heile dagen. Det går framover med huset vårt. Nå er det ein og einhalv vegg igjen utvendig før snekkerane tar fatt på det som er igjen innvendig. Medan snekkerane har ferie har malerane mala det som er ferdig.

Det er ei stund ennå til me kan flytte inn i denne delen av huset, men "den som ventar på noko godt..."

Trass i ein våt og kjøleg sommar blømer det ganske frodig rundtom i hagen. Eg har iallefall sluppe å bruke kveldane til å vatne i år.

Rosene som endeleg hadde fått litt fint ver dei siste dagane er regnvåte igjen.

Astilber ved slipesteinen.

Prydsvinerot og roser står ved porten der det går ein hellegang på vegen mot det gamle fjøset.

Bildet under er tatt frå inngangsdøra. På andre sida av plasen framfor døra er det berg og oppmura "borg" der det veks massevis av vill vivendel. Kjem ein ruslande heim ein sein sommarkveld blir ein møtt med ei søt herleg lukt av Heimdal :)

GJENNOM HAVEN

Det er deilig lys sommernatt.

Blomsterduft og stjerner alle vegne...

Der pusler et vindpust i et rosenkratt.

Allting er idel sommernatt.

Sommernatt.
Herman Vildenvey

Takløken blømer.

2011-07-29T21:04:00.001+02:00

Takløk står spreidd omkring i hagen min der det er tørt nok til at han kan trivast.

Dei er vakre når dei står i små rosettar og enda vakrare når dei blømer.

Her pyntar dei opp ved trerota eg har i hagen.

Det har vore ein litt amputert hagesommar hos meg i år sidan eg ikkje har kunna hatt blomar i krukker rundt huset. Nå er endeleg nokre krukker kome på plass på sørsida på huset etter at snekkerar og malerar er ferdige på den sida av huset. Kjekt å få litt blomar rundt dørene også :)

God helg :)

Rundtur på Bokn saman med Ruth Bernssen Bø

2011-07-27T22:22:00.000+02:00

Ruth Bernssen Bø med bloggen Solsikken har laga mange flotte innlegg over temaet

"Rogaland rundt -langs kyst og fjord"

Ho har også vore her på Bokn på fototur. Eg fekk vere med som kjentmann. Kjekt å gå tur saman med ei som er like hekta på fotografering og natur som meg :) Det er nokre veker sidan, men av ulike grunnar har eg ikkje lagt ut bilda før nå. Bilda til Ruth finn du her og her. Kikk innom henne og sjå hennar bilde også :)

Vakre blomar må eg alltid ha med :)

Første stopp var ved Vatnalandsvatnet. Det blæs ganske friskt, men sola skein så det var fint likevel.

Idyllisk plass å bu.

Ein flokk skotsk- høglandsfe gjekk fredeleg og beitte.

Skjønn lita "bamsejente" :)

Dei neste fire bilda er frå Straumen, idyllisk plass dette også.

Her er det mange som har sommarparadisa sine.

I eit lite vatn i Jøsen hadde eit svanepar funne sitt sommarparadis (under).

Ein gråstein treng slett ikkje å vere berre grå.

Her fann me også denne vakre villrosebusken.

Ved Gunnarstad står det ein allé av høge flotte tre, mange av dei eik som må vere veldig gamle.

Her er det fint å gå same kva årstid me har.

Gunnarstadlia ligg ved Gunnarstadvatnet. Dette er ein av dei finaste plassane på Bokn synest eg.

Takk for besøket og turen Ruth :)

Velkommen tilbake :)

Eg håpar å ta turen til deg også snart :)

Varme tankar.

2011-07-23T19:43:00.000+02:00

Varme tankar til alle dei som er råka av det tragiske som hende i går.

Så fort

livet skifter så fort

et ord

en telefon

en samtale

et bud

så er alt forandret

som en gnist i tørr skogbunn

flammer virkeligheten opp

mot lys

eller mørke

og livet

er aldri mer hva det var

så fort

I den ordløse time

jeg vil gi deg vakre ord men jeg er ordløs

jeg vil gi deg trøst men smilet er frosset

jeg vil gi deg lindring men hånden kjennes kraftløs

jeg vil gi deg tro men bønnenne vender tilbake

allikevel kan du lene deg mot meg

så står vi begge i Hans armer

Medmenneske

gå stille gjennom døren som åpnes mot din neste

slik at du ser hvem han er

lukk så døren bak deg og bli der inne

ikke bare i medgangs lyse dager

men vent med ham

gjennom nattens lange timer

slik at dere ser soloppgangen sammen

Alle dikta er skrive Tove Houck

Stjerneskjerm.

2011-07-17T22:08:00.001+02:00

Stjerneskjerm ber verkeleg namnet sitt med rette. Dette er ei av dei vakraste staudene eg veit om.

Litt meir sol og sommar hadde vore fint nå sidan eg får ferie frå torsdag av :)

Ha ei fin veke :)

Roser i regn.

2011-07-11T21:43:00.000+02:00

Roser flest er lite glade i regn. Her hos oss stod himmelen sine sluser på vidt gap eitpar dagar før helga. Heldigvis har det vore betre i går og i dag. Prestegards-rosa mi blømer kort og intenst i desse dagar og ho ber sterkt preg av uveret. Første bildet er tatt før regnet kom.

Nå er dei fleste rosene brune. Litt knoppar er det igjen som ikkje har sprunge ut ennå.

Mandarin-rose og white cover tåler regnet betre.

Knopp på presetgards-rosa (under).

Eg har ikkje alle namna i hovudet så eg skriv dei eg kjem på i farten.

Leonardo Da Vinci tåler ganske godt regn.

Shocking blue. Ikkje blå akkurat, men fin er ho.

Nostalgi, første knoppen i år.

Friesia (under).

Sekel er ei fantastisk fin rose. I det knoppane opnar seg er dei guloransje, etterkvart går dei meir over i gulrosa. Denne stortrivst hos meg.

Til sist må eg ha med eitpar bilde av rynkerosa Moje Hammarberg.

Nå håpar eg inderleg at sommarsola skal varme framover sånn at rosene får vise seg frå si beste side :)

Frøken markblomst.

2011-07-06T23:09:00.001+02:00

Så er Anne på Moseplassen ute med ny konkurranse.

Denne gongen er det frøken marblomst som skal kårast.

Her kjem mitt bidrag:

Ho heiter frøken Mari Hånd og er ei fin og fornem frøken.

Frøkena stod i sin finaste skrud mellom mange andre fine markblomster i ei blomstereng.

Om du likar frøken Mari Hånd så kikk innom Moseplassen og stem på henne :) Kanskje finn du andre flotte kandidatar du har lyst å stemme på eller kanskje har du lyst å delta sjølv. Trykk på bildet over så kjem du inn på konkurransen.

Storkenebb.

2011-07-05T21:54:00.000+02:00

Storkenebb i hagen min akkurat nå.

Kjære Gabriel, av Halfdan W. Freihow.

2011-07-03T12:17:00.000+02:00

Når sommarregnet kjem i strie straumar er det kjekt å bruke litt tid på å lese. Eg er akkurat ferdig med boka Kjære Gabriel, av Halfdan W. Freihow. Boka er skriven om og til sonen som har atypisk autisme og ADHD. Boka er gripande, varm, vakker, og vemodig. Her blir det opna dører til ei verd som er framand for dei fleste av oss.

"Kjære Gabriel er et brev fra far til sønn.

Med stor kjærlighet og dyp undring søker forfatteren å forstå hva som

gjør Gabriel annerledes enn andre barn, og å sette ord på sorgen,

men også på stoltheten og innsikten som knytter seg til opplevelsen

av sønnens grunnleggende annerledelshet."

Sitat frå bokryggen

I boka får me del i Gabriel og familien hans sine liv. Me får eit glimt inn i tankane til Gabriel og korleis verda fortonar seg for han. Han veit sjølv om "problemene mine" som han seier og undrar på om han kan bli "frisk". Han kjem etter mange samtalar og eigne funderingar fram til at;

"Jeg vil ikke forandre meg. Jeg vil være sånn som jeg ble skapt"

Eg tar med nokre sitat frå boka.

"I godnattstunden klamrer vi oss bare til hverandre,

ikke til tiden, for den har vi mistet, den er borte.

I godnattstunden gjenstår bare kroppen og vissheten om nærhet,

og løfte som nærheten gir om at alt er tilgitt og at imorgen vil vi ikke være alene."

"Jeg ser i øyekroken at mamma står i døren og betrakter oss.

Hun kommer bort til sengen, bøyer seg forsiktig over meg

og kysser deg på kinnet. Du er for trøtt, du ligger for godt til å snu deg og se på henne,

men vi hører stemmen din, som fra et annet sted:

-Når jeg dør og kommer til himmelen, kan vi kose oss litt mer da?

Vi sier ingenting, men legger smilende hender mot hodet ditt.

For en fantastisk gutt, sier øynene våre til hverandre.

I godnattstunder som denne, i øyeblikk av nåde som dette,

er alt overvunnet og alt forstått. Alt er et mirakel.

Du er Gabriel og hele verden er ditt skattkammer.

Sov godt gutten min. I morgen skal vi leve videre."

Ikkje lett sommarlektyre akkurat, men boka har sett djupe og varige spor hos meg.

Eg anbefaler boka på det varmaste!

Kulturlandskapet, blomeprakt.

2011-07-02T21:54:00.000+02:00

Det veks masse villroser på Vågshaug. Det er så mange sorter av desse, men etter å ha leita litt på internett trur eg at dette må vere steinnype. Om nokon veit at dette er feil så ver snill å rette på det i kommentarfeltet.

Rosene luktar himmelsk!

Tepperot er lett gjenkjenneleg på dei fire kronblada.

Engsoleie (over og under) er det overalt.

Er usikker på den kvite under her, men trur det må vere kvitmaure.

Revebjelle er vanleg her og lett å kjenne igjen.

Kvitkløver.

Her veks det også masse bjørnebær. Ennå berre i blom, dei modnast ikkje før langt utpå hausten.

Vegkantane er fantastisk vakre og frodige i desse dagar.

Naturleg blomeeng, ikkje mykje som er vakrare enn det.

Dette var det eg hadde å vise frå Vågshaug i denne omgang :)
Takk for koselege tilbakemeldingar :)

God sundag :)

Kulturlandskapet, prega av fiskarbonden.

2011-06-28T23:07:00.002+02:00

Eg er tilbake til same kulturlandskapet eg viser i sist innlegg. Landskapet er prega av nålevande og tidlegare generasjoner. Her finn me husmurar og jordkjellar samla i eit lite tun.

Taket på jordkjellaren har rasa saman og bregner og andre vekster har funne livd frå nordavinden inni murane.

Nede ved sjøen ser eg over på andre sida av Lauplandsvågen der det ligg eit gammalt hus og ein båt som er lagt i opplag for godt. Det budde ofte talrike familiar på desse små bruka og fiske var ei viktig kjelde til både mat til familien og inntekt til det ein trong utanom det garden og havet gav.

Sjøhuset på Vågshaug er prega av ver og vind gjennom mange år.

Denne veggen med patina er utruleg vakker synest eg.

Det som for nokre er gammal rust er for andre, meg inkludert, eit smykke!

Ved dei gamle tuna er det hagar med steingardar rundt. Her veks aplar som sikkert har stått her i generasjonar. Her har barna sete på steingarden og dingla med beina medan dei har sett tennene i eplekart eller dei har skrelt og smaka på dei første mjuke og saftige kålrabiane om hausten.. Eg ser dei føre meg, høyrer rop og glad barnelatter. Men eg ser også for meg lange arbeidsdagar for både små og store, tøffe turar langs skulevegen gjennom utmarka vintersdag og sorg i heimen over tapet over eit barn, ei ung mor død i barsel eller over ein far som kom bort på havet. Det var ikkje berre idyll, slik det kan vere lett for oss å sjå på det idag.

Det gjer godt for kropp og sinn å rusle rundt her, stresse ned og la tankane flyte som dei vil.

Tusen takk til deg som legg igjen spor etter deg i kommentarfeltet, noko eg set stor pris på :)

Kulturlandskapet på Vågshaug, natur og dyr.

2011-06-26T21:46:00.000+02:00

Vågshaug heiter småbruket mannen min kjem ifrå. I dag var eg der for å sjå om dyra våre og tok likegodt kamera med. Har lyst å vise kulturlandskapet her i tre innlegg. På dette første vil eg vise naturen, deretter blir det eit innlegg med kulturminne av ulike slag. Tilsist eit innlegg med blomar som trivst her.

Denne vesle kalven er fødd for eitpar dagar sidan. Kviga er "tenåringsmor" og skulle eigentleg ikkje ha kalva før til neste år. Kalven er veldig liten, men såg ut til å vere i fin form. Mora var ekstra påpasseleg då eg kom og rusla bort så eg kom ikkje heilt innpå dei.

Kan ein liten kalv ha det betre enn å leve her dei første månadane i livet?

Her ligg også eit lite vatn, "Det litla Vatnalandsvatnet". Her veks det lauvtre langs vatnet, på Vassnes som stikk ut i vatnet veks det furu.

Her bada me masse då barna våre var små.

At det "blæs på toppane" her vinterstid ber denne eineren preg av.

Nede ved sjøen er det idyllisk og blikkstille i dag. Her renn bekken som kjem frå vatnet ut i vågen.

Her inne på vågen er det ei naturleg havn der innløpet, "vågkjeften", nå blir kryssa av ei bru der E 39 kjem frå Arsvågen.

Revebjøllene trivst overalt her.

Frå sjøen går eg oppover mot tunet igjen.

Oppe ved tunet går sauene våre på beite.

Det kjem fleire bilde ein av dei næraste dagane :)

Takk for alle kommentarar eg får. Det set eg stor pris på :)

Ha ei fin ny sommarveke :)

Hagevandring i kveldslys.

2011-06-25T23:25:00.000+02:00

Det er masse rot og skrot rundt huset nå i desse dagar så då får eg snu kameralinsa mot det som blømer. Her er skogskjegg, iris og svinerot.

Ein sau med trillingar har funne nattero mellom hosta, stjerneskjerm, humleblom, marikåpe og astilbe.

Kryptimian og takløk saman med kystbergknapp som veks her frå naturen si side.

Eg har mange ulike takløk, nokre store og andre små.

Rynkerose-hekken er frisk og frodig med vakre rosalilla roser som luktar deilig. Nå er slike rosene meir eller mindre bannlyste fordi dei spreier seg så lett i naturen der dei ikkje høyrer heime. Eg visste ingenting om det då eg planta dei for nokre år sidan. Eg får prøve å halde dei i sjakk, dei blir iallefall ikkje fjerna av meg.

Skjønn farge og skønn lukt :)

Pelargonia har fått plass på hagebordet i påvente av at huset skal bli ferdig slik at dei får "flytte heim" til kjellarvindaugekarmen igjen.

GOD HELG :)

Huset på Heimdal, ein liten oppdatering.

2011-06-16T21:24:00.000+02:00

Det var eingong. Slik såg huset vårt opprinneleg ut då det blei bygd i 1855.

I 1969 var store termopanvindauge "in" og mor og far syntest det var storveis og flott med denne "ansiktsløftinga". Dei gamle vindaugene var rotne i karmane noko som gjorde at når det regna skikkeleg rann vatnet innover stovegolvet. Rutene var enkle og når det var skikkeleg frost om vintrane var det vakre frostroser på rutene om morgonane før varmen i omnen spreidde seg i rommet og tinte isen.

Arka blei bygde på i 1980.

Når me nå renoverer huset prøver me å føre det tilbake til det opprinnelege så langt det er praktisk mogleg. Me vil ikkje fjerne arka, bislaget blir ikkje flytta dit det stod før og dermed blir heller ikkje hovudøra slik ho opprinneleg var.

Austsida er nå ferdig mala. Arket skal sjølvsagt også malast og med tid og stunder skal det monterast sprossekassettar på vindaugene der.

Dei nye vindaugene kler det gamle huset perfekt :) Øvst på listene er det "blonder" tilnærma dei som var før. Huset blir også isolert skikkeleg, får ny bordkledning og vannstokken kjem tilbake på plass. Også inne blir det store endringar.

Nå er snekkerane ferdige med brystet i sør også og det er klart for å male der. Sjølve huset er kvitt, listfargen heiter Byge og er frå Jotun. Det er ennå lenge før alt er ferdig ute og inne, det er mykje å ta tak i i eit såpass gammalt hus som vårt. Men medan me ventar kan me glede oss til "nytt" hus :)

Godgutt og sjarmør :)

2011-06-14T22:38:00.000+02:00

Eg har strikka dress til Ask Leonard. Litt i største laget ennå kanskje, men gullet veks så fort at han må bruke dressen før han blir forliten. Modellen skal vere laus og ledig på.

Skjønne, skjønne gutten :)

Farfar sin skøyar og farmor sin skatt :)

Heile familien sin godgutt og store sjarmør :)

"Ferdige å fotografera snart farmor? Eg sige snart heilt i skrukk ser du vel."

Fint at Ask Leonard bur så nær at han kan besøke farfar og farmor ofte,

han er vår store, store glede :)

Frå år til år.

2011-06-11T20:40:00.003+02:00

Sidan me har stellingar rundt huset i sommar har eg ikkje kjøpt ein einaste sommarblom i år, iallefall ikkje ennå. Då er det kjekt med det som kjem igjen år etter år. Tørketålande takløk trivst godt i ein gammal sinkstamp.

I steinbedet trivst takløken saman med naturens eigen sedum.

I andre enden av sinkstampen er det sedum som liknar små roser.

I kveld har me fått besøk av Ask Leonard som skal vere hos farmor og farfar i pinsehelga.

Me skal kose oss :)

God pinse :)

Litt oppdatering:
Fleire har spurt kva stelling er. Det er det same som stillas.
Har ikkje tenkt over at stelling sannsynligvis er eit lokalt uttrykk :)

Frøken lilla.

2011-06-06T14:39:00.003+02:00

Her kjem mitt bidrag til frøken lilla-konkurransen hos Moseplassen

Frøkena heiter Lilla Storkenebb. Ho har dusja og pynta seg, men litt blyg blir ho over det ærefulle oppdraget det er å reprensentere Heimdalhagen i konkurransen :)

Har du lyst til å delta eller stemme på min eller ein annan kandidat så kikk innom på Moseplassen :)

Rhododendron.

2011-06-02T20:18:00.000+02:00

Rhododendron blømer kort og intenst, men dei er utruleg vakre medan bløminga står på!

Knoppar i sart babyrosa går over i skarpare rosa.

Busken under har "bleikna" og blitt lysare etter at alle knoppane har opna seg.

Han ber dessverre litt preg av samanhengande regn i dagevis.

Eg vil gjerne plante fleire rhododendron, men må i såfall spe på med ny jord for her er det veldig mykje stein og grus i jorda. Rhododendron er som kjent surjordsplanter som gjerne vil ha laus og mjuk torvblanda jord.

Dei fleste rhododendronane eg har er nå på retur, bortsett frå den på bildet under. Det er ein ganske stor busk som nå står med bresteferdige knoppar.

Nå er det meldt godver i helga :)

Då skal eg kose meg ute :)

Spreidde for alle vindar.

2011-05-30T10:17:00.000+02:00

Vakker og villig kan vel seiast om løvetann. Og fint er det når vegkantane er dekka av lysande gult om våren.

Nå er frøa spreidde for alle vindar og eg tippar at ein del av dei ligg og lurer rundt om i hagen min. Der ligg dei og ventar på gode veksvilkår og lageleg ver til å spire. Løvetann er ikkje kresen verken på jordsmonn eller noko anna så han lyser nok opp til neste år også, rakkaren :)

Ha ein strålande dag :)

Anemone trullifolia

2011-05-29T19:38:00.000+02:00

Her kjem ei lita helsing til Toril og Magnar Aspaker :)

Kjenner de igjen denne? Ho blømer i år også :)

Det er så kjekt når blomar eg får i gåve trivst i hagen min. Kvar gong denne Anemone trullifolia opnar ein blom tenker eg med glede på gjeverane :)

Etter at regnet letta.

2011-05-28T22:15:00.001+02:00

Det har regna i dagevis, derfor har det blitt lite hagearbeid på meg i det siste. Å luke i sorpe er ikkje noko å trakte etter. Dette ber staudebeda mine preg av. Men, det er alltid noko som klarer seg uansett. Klokkeblåstjerne er ein av dei. Desse er nydelege i villflor, men spreier seg uhemma. Løkane ligg veldig djupt og er derfor vanskelege å fjerne. Klokkeblåstjerna spreier seg også med frø og dei finn lettast grobotn der jorda er bar. Dei fleste blomane er blå, men det dukkar stadig opp ulkie rosa nyansar i tillegg til kvitt. Vakker og villig er eit uttrykk som passar perfekt her.

Løytnatshjarte har stått på same staden i årevis. Dette er ei staude som passar godt i ein uformell hage på landet og ho er ei av favorittstaudene mine.

Eg har også kvit løytnantshjarte, men denne er liten, "bleik" og unseeleg.

Eg spadde opp fleire av storkenebbplantene mine i haust fordi det vaks så mykje gras innimellom. Dei kjem heldigvis fint i år, men treng nok eitpar år for å bli like fine som dei var. Det største ugrasproblemet eg har er vanleg gras som kjem inn i bedet med utløperar eller frø som dryss ned frå bakken over muren.

Akeleier er også vakre synest eg, men dei nikkar så blygt med hovudet at ein må snu dei for å sjå kor vakre dei eigentleg er.

Det siste bildet er snøsløyfe. Først er denne skinande kvit, men ho blir vakkert rosa når ho er på retur.

Eg har nettopp starta på ein to-vekers ferie og ønskjer meg SOL OG SOMMAR!!!

Familien sin største skatt :)

2011-05-21T18:13:00.000+02:00

Storsjarmøren vår Ask Leonard hadde fått seg fin matrosdress til 17. mai :)

På mamma Monica sitt fang :)

Og på pappa Øystein sitt fang :)

Sjølv om han brukte store deler av 17. mai til å sitte på fang er det kjekt å kunne sitte åleine også :)

Store gullgutten vår er blitt eit halvt år alt!

Han og farfar har verkeleg funne tonen :)

Ingen tvil om at desse to er bestevenner :)

Koseleg med besøk av både gullet og foreldre :)

Velkommen igjen :)

Å teikne med lys.

2011-05-16T22:31:00.000+02:00

Å fotografere er som å teikne med lys blir det sagt og ingen kan lyssette eit motiv som naturen sjølv. Ein må berre vere der til rett tid og fange det med kameralinsa. Her har eg vore på same stad to gonger og fått heilt ulike resultat.

Her er det som om himmelen har hengt opp lette blondegardiner som siler sollyset igjennom.

Her på dei to siste bilda har dagen vore skyfri, strålande og klar. Då det lei mot kveld og sola gjekk ned kom naturen si rullegardin sakte over himmelen og "slo av" dagslyset.

Eg ønskjer alle ein strålande 17. mai uansett ver :)

Ut i naturen.

2011-05-11T19:36:00.000+02:00

Har du lyst å vere med på ein liten omveg? Eg er så heldig at det tar berre ti minutt å gå til jobb for meg. Når eg skal heim vel eg ofte ein omveg på femti minutt, først gjennom skog, deretter langs ein traktorveg gjennom beiteland. Siste biten i ope landskap på vegen gjennom kyrkebygda. Ein skulle kanskje tru at det blir kjedeleg å gå same vegen så ofte, men det synest ikkje eg. Eg elskar skiftingane årstider og verforhold gjev. Å gå her ein blikkstille vinterdag der det er alldeles stille og å gå her seinhaustes i kuling og regn gjev totalt forskjellige opplevingar. Eller som no i desse dagar, det er eit fuglekor utan like, det luktar nydeleg av nyutsprungen bjørk og lysegrøne mjuke granskot. Eg skulle verkeleg ønskje at eg kunne lagt lyd- og luktfil med på dette innlegget. Bilda er ikkje av beste kvalitet fordi dei er tatt med mobilkamera. Håpar likevel at eg klarer å formidle litt av vårstemninga.

Sollyset blir silt gjennom greiner og blad. Det luktar vårvarm jord og nyutsrungen bjørk og anna grønt. Vinden susar lett i tretoppane og stryk meg vart og varmt over kinn og panne. Tjue grader i mai er sjeldan kost på desse kantar. Fuglar sitt tett i tretoppane og innimellom greinene og syng sine vakre strofer. "Her bur eg, her eig eg" høyrer eg om eg legg godviljen til. Bokfinken si strofe går opp og ned, så ein liten pause før han sluttar av med eit "sant?" før han tar same strofa eingong til, om igjen og omigjen. Andre fuglar nærast boblar over i våryr begeistring.

Blåbærlyngen står frodig mellom treleggene.

Det klukkar lett i ein liten sildrebekk.

Eit rognetre prøver å finne sin plass mellom litt glisne graner.

Grusstien snor seg gjennom skogen.

På veg ut i opnare landskap.

Her langs traktorvegen er det lys nok til at mange ulike blomar trivst, slik som løvetann, fioler og kvitveis. Skogstjerne blømer også nå.

I ei av desse småbjørkene sat svarttrosten og song sine mollstemte vemodige fløytetonar i det eg gjekk forbi i dag. Eg stoppa og pusta litt på og fekk med meg litt av konserten. Svarttrosten er favoritt-sangfuglen min.

Vakre grøne nyansar. Her veks einer, lyng og bjørk framfor eit bakteppe av lerk og gran.

Vegen svingar seg gjennom landskapet, opp og ned bakkar.

Etter utmarka går vegen inn i kulturlandskapet. Her blir eg møtt av vipa sitt vivitt, vivitt, ho har tydelegvis reir i nærleiken og vil halde meg på avstand.

Svalene som er komne tilbake frå sørlegare breiddegrader flyg høgt på himmelen. Eit skikkeleg godversteikn.

Takk til alle som har kommentert hos meg i det siste :) Det har vore litt labert med svar frå meg, men eg har planar om gjenvisitt ganske snart :)

Ha ein fin vårkveld :)

Fager kveldsol smiler.

2011-05-09T18:13:00.001+02:00

Her kjem eitpar bilde eg tok 17. april. Desse lyse kveldane om våren har eg lengta etter så ofte i mørke vinterkveldar. Når veret er som denne kvelden er det herleg å vere ute, rusle litt rundt og lytte til svarttrosten sine mollstemte fløytetonar.

Tuntreet stod i april framleis med nakne greiner, men ser ein nøye etter ser ein blomeknoppane ytterst på greinene. Alm (Ulmus glabra) er vakre tre som kan bli opptil 500 år gamle. Almetreet kan bli 40m høgt, og kan få ein solid, tjukk stamme. Trekronene blir vide, og gir god skygge på bakken. Alma blømer før blada kjem, blomestandsknoppane opnar seg og det kjem fram eit rundt nøste med rødbrune, små, klokkeforma blomar. Almetrea her hos oss er ca 125 år gamle. I dag står almane med fullt utsprungne grøne blad og vinden susar lett i toppane.

Det har vore over 20 gr her idag. Eg gjekk tur etter jobb i ein behageleg varm bris. Herleg!

Til å bli glad av :)

2011-05-05T17:36:00.000+02:00

Det er fantastisk når små grøne knoppar opnar seg i vårsola. For nokre veker sidan var alt i hagen brunt og grått. Nå lyser blomar i vakre fargar opp. Dei første blomane om våren er ekstra velkomne fordi kontrasten er så stor.

Eg har ikkje så mange gule blomar, bortsett frå om våren. Då lyser det gule opp både her og der og gjer meg GLAD!

VÅR!

2011-05-03T18:19:00.000+02:00

Så er våren her igjen! Eller sommaren kan eg nesten seie. Me har hatt eit fantastisk påskever. Naturen nærast eksploderte i varmen. I det me gjekk inn i mai normaliserte temperaturen seg igjen. Eg har fått bort gammalt vissent lauv frå ifjor og luka alle bed. Det meste har heldigvis klart seg gjennom vinteren som har vore kaldare enn vanleg på desse tankar. Brunsneglane lever også i beste velgåande, dessverre...

Eg reknar med at bloggpausen som grunna pc på verkstad blei eit par veker lengre enn eg hadde tenkt nå er over. Eg har eindel bilde på lager som eg vil legge ut i dagane framover. Kjekt å vere tilbake :)

Ha ein fin dag :)

Etterlengta vårteikn og ein liten kikk "bak forhenget" :)

2011-03-28T23:09:00.000+02:00

Snart er det april og vårteikna begynnar å vise seg. Fuglane syng og dei første blomeknoppane opnar seg i hagen.

Julerosa har stått med knoppar lenge og i dag hadde den første opna seg.

Bak huset står ei krukke med våriris. Der står dei forviste for ikkje å vere i vegen for arbeidet på huset. Alle krukker er rydda bort for tida.

Krokus i fleire fargar lyser opp både i bed og direkte i plenen.

Desse gule har ein lei tendens til å legge seg flate og dei blømer mykje kortare enn dei kvite og dei lilla.

Til sist eit lite blikk innafor "forhenget". Renoveringa går på fram, men det er masse arbeid og ikkje alt som blir gjort viser like mykje igjen. Viktig at det blir gjort fagmessig og grundig. Med eit veldig gammalt hus og tidlegare reparasjonar der det har vore tatt litt for lettvinte løysingar er det nok å ta tak i for tømmermennene.

Eg er over middels opptatt av detaljar :) Hengslene på vindaugene er veldig fine synest eg.

Vannstokken var fjerna frå deler av huset, men kjem nå tilbake. Bordkledningen er også meir lik den som var på huset før. Trur at det endelege resultatet kjem til å bli veldig bra. Medan eg ventar tenker eg tapet og gardiner :)

Ting på gang :)

2011-03-17T21:33:00.001+01:00

Det at det er veldig stille på bloggen min for tida betyr ikkje det same som at det er stille her på Heimdal. Her høyrest hammarslag og saging dagen lang. Endeleg er me igong med stor renovering av huset vårt!

Dei første vindaugo er på plass og eg er veldig fornøgd.

Det er meininga at når tømmermennene er ferdige skal huset likne meir på slik det var då det var nytt i 1855. Iallefall utvendig. Innvendig går me for gode praktiske løysingar, men tar sjølvsagt hensyn til byggestilen så godt me kan.

Så enn så lenge bur me litt kaotisk, men det går fint for ei stund. Gledar meg til å få det ferdig :)

Dette gledar eg meg til i hagen i år :)

2011-03-01T22:45:00.000+01:00

Så var det tid for ny konkurranse has Moseplassen igjen.

Og eg vil sjølvsagt delta denne gongen også :)

Denne gongen er tittelen:

Hva gleder du deg til i hagen i år?

Det er masse å glede seg til, men noko av det beste er å sitte under ein parasoll ein god og varm junisøndag :)
Derfor er dette bildet mitt bidrag denne gongen :)

Klikk deg inn her og ver med, enten du har bilde sjølv eller at du vil vere med å stemme :)
Har du berre lyst å kikke på alle dei fine bidraga så er det også lov sjølvsagt :)

Altfor, altfor tidleg...

2011-02-26T18:39:00.001+01:00

I dag dukka denne vesle krabaten opp i kjellaren hos oss. Eg såg først berre dei brunspraglete undersidene på vengene, men på grunn av størrelsen rekna eg med at det måtte vere ein påfugløye-sommarfugl. Nokre av desse sommarfuglane overvintrar som vaksne individ i vedstablar og uthus. Kanskje har denne følgd med ein vedsekk frå løa eller så har han vore her heile vinteren. Dei siste dagane har gradestokken krøpe eitpar grader opp på plussida så kanskje det er det som har vekte han opp or vintersøvnen.

Eg pirka såvidt det var borti han og då openberra desse praktfulle vengene seg.

Han opna og lukka vengene nokre gonger før han igjen sat urørleg. Eg lot han krype opp på fingeren min og plasserte han oppå ei list sånn at me ikkje trør på han. Så håpar eg at han lukkar augo ei stund til for ute er det regn og surt og ennå er det lenge før blomane freistar med nektar.

Den prektigkledde sommerfugl
er fløyet fra guds hånd.
Han ga den gyldne ringer
og røde purpurbånd.

Han lærte den å flyve høyt,
høyere enn jeg er.
Den har nok fuglens lyster,
men ei dens dun og fjær.

Og alle verdens mennesker
og alle konge bud
ei gjøre kan en sommerfugl.
Det kan alene gud.

Henrik Wergeland

Tulipaner.

2011-02-23T21:26:00.000+01:00

Her kjem nokre fleire tulipanbilde :)

Eg elskar "knaselyden" av tulipaner når dei skal i vasen :) Og så er dei så fine og fargerike :)

Eit lite pust av vår :)

2011-02-19T11:18:00.000+01:00

Eg vil ønskje alle som er innom hos meg ei god helg med eit lite pust av vår :)

Frå hjarte til hjarte :)

2011-02-13T13:11:00.001+01:00

Eit lite apropos i desse sms og chatte-tider :)

Språk er nøkkelen til all kommunikasjon.

Men språk er så mykje meir enn ord,

mimikk, kroppsspråk og stemmeleie kan formidle vel så mykje :)

GOD SØNDAG :)

Frøken Solslikk.

2011-02-09T19:51:00.001+01:00

Moseplassen er ute med ny konkurranse og eg har sjølvsagt lyst å vere med. Denne gongen er det "frøken solslikk" som skal kårast :)

La meg presentere "frøken Solstråle" av Heimdal :)

Har du lyst å vere med på konkurransen? Eller kanskje du vil vere med å stemme?

Klikk deg inn på Moseplassen og få meir informasjonen :)

"Forglem meg ei".

2011-02-04T19:39:00.001+01:00

I natt hadde me ein skikkeleg vinterstorm. Snøen er borte, nå er det plussgrader og regn. Veret har betra seg utover dagen i dag heldigvis. Det er lite å fotografere om dagen, eller kanskje det er eg som manglar inspirasjon... Dagane er korte og dagslyset svinn fort etter at eg kjem frå jobb. Eg ser fram mot vår og lengre dagar. Har likevel lyst å ønskje god helg med eit lite blogginnlegg, derfor har eg henta fram eit par bilde frå arkivet. Bilde frå sommaren som var og som ber bod om det som skal komme...om ei stund.....

GOD HELG :)